Ўзбекистон экотуристик зоналарида ягона биринчи тиббий ёрдам кўрсатиш тартиби жорий этилади

Соғлиқни сақлаш вазирлигининг «Экоҳудудларда туристларга биринчи тиббий ёрдам кўрсатиш тўғрисида»ги буйруғи лойиҳаси эълон қилинди.

Фото: Kun.uz

Экоҳудудларда туристларга соғлиғига хавф туғдирувчи омиллар таъсирига тушиб қолган дамларда тез тиббий ёрдам келгунига қадар биринчи тиббий ёрдам кўрсатиш мақсадида тартиби тасдиқланмоқда.

Ушбу буйруқ тасдиқлангандан сўнг Ўзбекистон ҳудудида жойлашган экотуристик зоналарда ягона биринчи тиббий ёрдам кўрсатиш тартиби жорий этилади.

Буйруқ лойиҳасида илова қилинган тартибда биринчи тиббий ёрдам таснифлари, биринчи тиббий ёрдам кўрсатиш кетма-кетликлари, биринчи тиббий ёрдам кўрсатиш учун махсус тайёргарликдан ўтиш керак бўлган ходимлар киритилган бўлиб, туристларга тез тиббий ёрдам келгунга қадар биринчи тиббий ёрдам олиш имкониятини янада оширади.

Шунингдек, лойиҳа Ўзбекистон ҳудудида жойлашган экотуристик зоналарда ишлайдиган ходимларнинг тез тиббий ёрдам келгунга қадар самарали тиббий ёрдам бериб, туристик зонага келган меҳмонларнинг ҳаётини сақлаб қолишини таъминлайди.