Ўзбекистон атлетлари шу кунга қадар 17 та спорт тури кесимида жами 50 та йўлланмани қўлга киритди.
Фото: МОҚ
"Дунё" хабарига кўра, бокс бўйича Ўзбекистон аёллар терма жамоаси аъзоси Навбаҳор Ҳамидова (-66 кг) куни кеча яна бир йўлланмани қўлга киритган.
Унинг лицензияси билан Ўзбекистон делегациясининг Париж-2024 ёзги Олимпия ўйинлари учун жамғараётган йўлланмалари сони роппа-роса 50 тага етди. Боксчи қизлар илк бор Олимпия ўйинларига 4 та йўлланмага эга бўлишди.
Лицензион цикл тугагани йўқ. Ҳали олдинда ўзбекистонликлар дзюдо, енгил атлетика, камондан отиш, ўқ отиш спорти, сузиш каби йўналишларда йўлланмаларга эга чиқиши кутилмоқда.
