Сурхондарёда сомон қолдиқларини ёқиб юборган шахс 18,6 млн сўм жаримага тортилди

Фермер хўжалиги ишчиси ўзи ишлайдиган хўжалик еридаги сомон қолдиқларини ўзбошимчалик билан ёқиб юборган.

Фото: Экология вазирлиги

Сурхондарё вилояти Жарқўрғон туманида сомон қолдиқларини ёқиб юборган шахс жаримага тортилган. Бу ҳақда вилоят Экология бошқармаси хабар бермоқда.

Маълум қилинишича, Жарқўрғон тумани Эскиқишлоқ маҳалласида жойлашган «ФАЙЗ-АБ» фермер хўжалиги ишчиси хўжаликнинг ғалла ўримидан бўшаган 10 гектар ерида сомонпоя қолдиқларини ўзбошимчалик билан ёқиб юборган.

Аниқланган ҳолат бўйича фуқаро М.Н.га нисбатан МЖТКнинг 88-моддаси 3-қисми билан маъмурий баённома расмийлаштирилган. Унга 18 млн 642 минг 234 сўм миқдорида табиатга етказилган зарар ҳисобланган.