Евро-2024. Нидерландия Руминияни йирик ҳисобда мағлуб этиб, чоракфиналга чиққан 7-жамоага айланди

Евро-2024 нимчоракфинали доирасидаги 7-жуфтлик ўртасидаги баҳсда Нидерландия Руминияга қарши саф тортди.

«Алянц Арена»да ўтган баҳснинг 20-дақиқасида Коди Гакпо ҳисобни очган бўлса, 83-дақиқада айнан унинг узатмасидан кейин захирадан майдонга тушган Мален Нидерландиянинг иккинчи голига муаллифлик қилди. Қўшиб берилган дақиқаларда эса айнан Маленнинг ўзи ҳисобни йириклаштирди – 3:0.

Шу тариқа, Нидерландия чоракфиналга йўлланма олган 7-жамоага айланди. Ҳозиргача Англия, Швейцария, Испания, Германия, Португалия ва Франция ҳам чоракфиналга йўлланма олганди. Роналд Куман шогирдлари ушбу босқичда Австрия – Туркия ўйини ғолибига қарши майдонга тушади. Баҳс 6 июл куни ўтказилади.

Евро-2024. 1/8 финал

Руминия – Нидерландия 0:3

Голлар: 0:1 – 20 Гакпо, 0:2 – 83 Мален, 0:3 – 90+3 Мален.

Руминия – Ницэ, Рациу, Буркэ, Дрэгушин, Могош (Раковитан, 38), Хаджи (Алибек, 72), Станчу, Марин, Марин (Чикилдэу, 72), Ман, Дрэгуш (Михэилэ, 72).

Нидерландия – Вербрюгген, Думфрис, де Врей, ван Дейк, Аке (ван де Вен, 69), Схаутен (Верман, 69), Рейндерс, Симонс, Бергвейн (Мален, 46), Гакпо, Депай.

Огоҳлантиришлар: Марин (67), Думфрис (77), Станчу (81).