X ижтимоий тармоғи Евроиттифоқ қоидаларини бузгани учун жаримага тортилиши мумкин
Ижтимоий тармоқ эгаси миллиардер Илон Маск Еврокомиссия унга контентни цензура қилишни таклиф қилгани, рад жавобини олгач энди жарима билан таҳдид қилаётганини айтмоқда.
Еврокомиссия маълумотларига кўра, X (собиқ Twitter) ижтимоий тармоғи рекламанинг шаффофлиги, тадқиқотчиларга очиқ маълумотлар тақдим этиш талабларига риоя қилмаган, шунингдек, ўзининг «верификациядан ўтган аккаунтлар» интерфейси билан фойдаланувчиларни чалғитмоқда.
Еврокомиссияга кўра ижтимоий тармоқда айрим аккаунтлар ўзини белгилаб олаётган «кўк галочка» «соҳа амалиётига мос эмас ва фойдаланувчиларни чалғитади», чунки уни исталган шахс пулини тўлаб қўлга киритиши мумкн. Натижада фойдаланувчилар профилларнинг асил эканидан шубҳаланишлари мумкин. Комиссияда шунингдек, «текширилган аккаунтлар»дан фойдаланувчиларни алдаш мақсадида фойдаланилгани тўғрисидаги маълумотлар бор.
https://x.com/elonmusk/status/1811783320839008381
Бунга жавобан ижтимоий тармоқ эгаси миллиардер Илон Маск пост эълон қилиб, унда Европа комиссияси X га «ноқонуний битим» таклиф қилганини ёзди. Гўёки X ҳеч кимга билдирмасдан, ёзилган постларни цензурага тортса, ижтимоий тармоқ Еврокомиссия жаримасидан қутилиб қолишини ваъда қилган.
Энди X ижтимоий тармоғини умумжаҳон айланмасидан 6 фоиз миқдорда жарима кутиб турибди. Twitter сўнгги марта тўлиқ йиллик даромадларини эълон қилган 2021 йилда компания 5,1 млрд доллар ишлаб топганини эълон қилган эди.
Мавзуга оид
11:00 / 17.10.2024
Илон Маск Трамп кампаниясига 75 млн доллар хайрия қилди
21:35 / 15.10.2024
Мадуро Илон Маскни Венесуэлада давлат тўнтаришига уринишда айблади
21:00 / 15.10.2024
SpaceX компанияси Starlink учун яна 43 та сунъий йўлдошни орбитага учирди
19:30 / 13.10.2024