“Шу ерда ўтирган болаларга енгиллик қилиб берсангиз” — Бахтиёр Қудратуллаев ва бошқалар судда сўнгги сўзини айтди
“Бахти Ташкентский” ишида суд ҳукми ўқилиши яқин. 15 июл кунги суд мажлисида адвокатлар ва 37 нафар судланувчи музокара сўзида нутқ қилди. Шундан сўнг судланувчиларга сўнгги сўз берилди.
“Бахти Ташкентский” иши бўйича навбатдаги суд мажлисида судланувчиларнинг сўнгги сўзи тингланди.
Бахтиёр Қудратуллаев сўнгги сўзида суддан панжара ичида ўтирганларга енгиллик қилиб беришини сўради.
“Бизда ёмон ният бўлмаган. Масалан, бир-бирига пичоқ кўтармасин-тиқмасин, психотроп таблеткалар ва бошқаларга аралашиб қолмасин, деган маънода қилинган нарса бўлган. Булар “серёзний” ишларга аралашган болалар эмас. Ўғилларим ўтирибди, биттаси касал.
Бу болаларнинг айримлари уйланган, айримлари уйланмаган. Кимларнингдир қариб қолган онахонлари бор. Менга ўхшаб буларга ҳам армон бўлиб қолмасин: қамоқдан чиқишимдан бир йил олдин онам оламдан ўтиб қолган, қабрга қўёлмаганман.
Биз террорист, коррупционер бўлмаганмиз, одамхўр эмасмиз. Давлатга қарши юрган жойимиз йўқ. Иложи бўлса, шу ерда ўтирган болаларга енгиллик қилиб берсангиз”, деди Бахтиёр Қудратуллаев сўнгги сўзида.
Шунингдек, судланувчилар орасида ягона аёл киши бўлган Наргиза Жуманиёзова тўрт нафар фарзанди борлигини ҳисобга олиб ҳукм чиқаришни сўради.
“Туҳматларга қолдим. Онамнинг юзини ерга қаратдим. Эртага қамалди деган номим билан болаларим қандай қилиб бошини кўтариб юради?! Ота-онамнинг кўзларига қарашим бор. Ўзбекчиликда болаларим ортидан совчиликка боришим бор. Бу ўғрининг “ўйнаш”и, қамалиб чиққан деган ном бутун умр мен билан қолади. Ҳаммамиз учун раҳмдиллик билан ҳукм чиқаринг”, деган Жуманиёзова.
Жиноят ишлари бўйича Юнусобод судида судя Толибжон Обидов раислигида кўрилаётган мазкур жиноят ишида суд ҳайъати ҳукм чиқариш учун маслаҳатхонага кирди.
Ҳукм 19 июл куни эълон қилиниши кутиляпти.
Мавзуга оид
![](https://storage.kun.uz/source/thumbnails/_medium/10/QsH2N2FsR2DNRa-PEaPonE2gz2tAdJNs_medium.jpg)
18:28 / 07.09.2024
Азиз Воитов ва бошқаларга оид судда журналистларга фото ва видеога олиш тақиқланди
![](https://storage.kun.uz/source/thumbnails/_medium/10/kr9GIIQJLX0rrM5Si8sKSjBrSv7IwuGe_medium.jpg)
11:22 / 07.09.2024
Бахтиёр Қудратуллаев (“Бахти Ташкентский”)га оид иш апелляция инстанциясида кўрилаётгани маълум бўлди
![](https://storage.kun.uz/source/thumbnails/_medium/10/jEv4cSKhdk6D573r8gG6-MGP4EnGek2a_medium.jpg)
14:36 / 06.09.2024
Коррупцион ишлар бўйича суд мажлислари жонли эфирга узатилиши керак. Фармон талаби бу сафар бажариладими?
![](https://storage.kun.uz/source/thumbnails/_medium/10/2xWCgh7sHi2h7e_YRX_BPnrzil1BpfiM_medium.jpg)
07:24 / 02.09.2024