Тошкентда Ўзбекистон-Қирғизистон бизнес-форуми бўлиб ўтди
Ўзбекистон ва Қирғизистон бизнеси янги иқтисодий ўсиш нуқталарини белгилаб олди.
![](https://storage.kun.uz/source/10/aGICC0iCdvdCnSr5qlRH61Mrh0dQk6q6.jpg)
Фото: Инвестициялар, саноат ва савдо вазирлиги
Инвестициялар, саноат ва савдо вазири Лазиз Қудратов кеча Тошкент шаҳрида бўлиб ўтган Ўзбекистон-Қирғизистон бизнес-форумида иштирок этди.
Инвестициялар, саноат ва савдо вазирлиги маълумотига кўра, делегациялар таркибига, шунингдек, икки мамлакат вазирликлари, идоралари, тармоқ бирлашмалари, вилоят ҳокимликлари раҳбарлари ҳамда 350 дан ортиқ ишбилармон доиралари вакиллари кирди. Тадбирни Ўзбекистон бош вазирининг ўринбосари Жамшид Хўжаев кириш сўзи билан очар экан, икки давлат раҳбарларининг самимий муносабатлари туфайли кўп қиррали ўзбек-қирғиз ҳамкорлиги изчил ривожланиб бораётганини алоҳида таъкидлади.
Ўзаро товар айирбошлаш ҳажмида ўсиш кузатилгани қайд этилди – ўтган йил якунига кўра мазкур кўрсаткич 1 миллиард долларга етди. Товар айирбошлашнинг янада ошишини таъминлаш учун тайёр тўқимачилик, озиқ-овқат, пластмасса, пойабзал, IT-хизматлари, ўғитлар, қурилиш материаллари, маиший техника ва фармацевтика маҳсулотлари, қорамол ва майда чорва моллари, кўмир, озиқ-овқат ва талабга эга бўлган бошқа товарларни ўзаро етказиб беришни кўпайтириш чораларини кўриш муҳимлиги таъкидланди.
Кейинги йилларда инвестициялар ва саноат кооперацияси соҳасидаги ҳамкорлик фаоллашди. Бугунги кунда Ўзбекистонда Қирғизистон капитали иштирокида 280 га яқин корхона фаолият юритмоқда. Қўшма ташаббусларни амалга оширишда Ўзбекистон-Қирғизистон Тараққиёт жамғармаси катта рол ўйнайди, унинг портфели 186 миллион долларлик 33 та инвестиция лойиҳасини ўз ичига олади.
Тадбир доирасида B2B ва G2B музокаралари бўлиб ўтди, унда тадбиркорлар кўплаб янги, фойдали алоқаларни ўрнатишга, янги лойиҳаларни амалга оширишнинг ўзига хос жиҳатларини муҳокама қилишга муваффақ бўлишди.
Форум якунлари бўйича озиқ-овқат маҳсулотлари, қурилиш материаллари ишлаб чиқариш, логистика марказини ташкил этиш, чиқиндиларни қайта ишлаш, геология-қидирув ва кўмир етказиб бериш, IT-хизматлари кўрсатиш, электротехника ва қишлоқ хўжалиги маҳсулотлари етказиб бериш бўйича 20 та битим, меморандум ва савдо шартномалари имзоланди.
Мавзуга оид
![](https://storage.kun.uz/source/thumbnails/_medium/10/PpxDru8KLkNeiK5n2Q6u2c3fz8Lpvtun_medium.jpg)
18:55 / 07.09.2024
Қирғизистон «Толибон»ни тақиқланган ташкилотлар рўйхатидан чиқарганини тасдиқлади
![](https://storage.kun.uz/source/thumbnails/_medium/10/UZiYSciYIRSuazHEu34qmJZY_Avb1vrN_medium.jpg)
17:48 / 07.09.2024
Қирғизистон-Ўзбекистон чегарасидаги «Қора-Сув» ва «Интимақ» назорат-ўтказиш пунктлари қайта очилади
![](https://storage.kun.uz/source/thumbnails/_medium/10/PbukugxOHS6iyQNs486t8w-I3fte8Tdf_medium.jpg)
21:43 / 06.09.2024
Асқар Акаев Қирғизистон парламентидан ўзига собиқ президент мақомини қайтаришни сўради
![](https://storage.kun.uz/source/thumbnails/_medium/10/WP-KNTtFb3WuvITScWdvEkgKHm-bB2mM_medium.jpg)
18:39 / 06.09.2024