1,3 млрд сўмлик газдан ноқонуний фойдаланган қурилиш цехи аниқланди

Бош прокуратура хабарига кўра, “Б.Д.” МЧЖ раҳбари Р.К. жамиятга қарашли қурилиш материалларини ишлаб чиқариш цехидаги газ қурилмаларини ўзбошимчалик билан ер остидан ўтган ўрта босимли газ қувурига яшириш равишда улаган.

Қайд этилишича, оқибатда 1 млрд 354 млн сўмлик 902,6 минг куб метр табиий газ ўғирланган.

Мазкур ҳолат юзасидан “Б.Д.” МЧЖ мансабдор шахсларига нисбатан ЖКнинг 169-моддаси (ўғрилик), 4-қисми “а” банди билан жиноят иши қўзғатилиб, гумонланувчи шахс процессуал тартибда ушланган.