Миколайивга зарба оқибатлари ва йўқ қилинган Abrams’лар учун мукофотланган ҳарбийлар. Уруш суратлари
![](https://storage.kun.uz/source/10/-FTWjR8t_MXqdIPZfxJYW4rN-vX7LMeA.jpg)
Россия Миколайивга зарба берди. Ракеталар портлаши оқибатида бир бола ва икки аёл ҳалок бўлган. Кўп қаватли турар жой биноси ва болалар боғчаси ҳужумга учраган
РФ қуролли кучлари 19 июл куни Миколайив бўйлаб ракета зарбаси йўллади. Миколайив области маъмурияти раҳбари Виталий Кимнинг сўнгги маълумотларига кўра, X-59 русумли қанотли ракеталардан бири шаҳардаги аҳоли яшаш кварталларидан бирида портлаган. Бунинг оқибатида уч киши ҳалок бўлган — 13 ёшли бола (бошқа маълумотларга кўра — 12 ёшли) Кирилл Дядюшко ва икки аёл: бири 53, иккинчиси — 63 ёшда бўлган. 24 киши яраланган, шундан тўрт нафари болалар. Портлаш тўлқини ва парчалар тўққизта кўп квартирали уйларни ва болалар боғчаси биносини шикастлаган. Аввалроқ Украина бош прокурори офиси зарба икки кўп қаватли бино ўртасидаги болалар боғининг ўйин майдончасига келиб тушгани ҳақида хабар берганди. Қуйида Миколайив ўққа тутилиши оқибатлари бартараф этилиши ва жабрланганларга ёрдам кўрсатилиши акс этган суратлар.
![](https://storage.kun.uz/source/10/uS-_JlAa3SVv0n0fOnkDFOuLle1gwArj.jpg)
Diego Herrera Carcedo / Anadolu / ABACAPRESS / ddp images / Vida Press
![](https://storage.kun.uz/source/10/j3h_xNmKP35RLXZ2GiKNYqQNuHynPplV.jpg)
Diego Herrera Carcedo / Anadolu / ABACAPRESS / ddp images / Vida Press
![](https://storage.kun.uz/source/10/ZnC-MiqJ9j-douUIC8aHVjVrAiQB74me.jpg)
Diego Herrera Carcedo / Anadolu / ABACAPRESS / ddp images / Vida Press
![](https://storage.kun.uz/source/10/QBGd945cQdngD2cUP3iNwhaLYOw58jqi.jpg)
Diego Herrera Carcedo / Anadolu / ABACAPRESS / ddp images / Vida Press
![](https://storage.kun.uz/source/10/iSxtInPXhjfALjapxNMe4ZY4x-IPVrr4.jpg)
Diego Herrera Carcedo / Anadolu / ABACAPRESS / ddp images / Vida Press
Россияликлар Северскка ҳужум қилмоқда ва чор атрофни ўққа тутмоқда
РФ қуролли кучлари 19 июл куни, кун ярмида Донецк областининг Словянск шаҳридан 12 километр шимоли-шарқда жойлашган Райгородок посёлкасини ўққа тутди.
РФ қўшини Райгородокдан 33 километр масофадаги Северск шаҳри томон жануб ва шарқдан юриш қилмоқда — улар аллақачон Раздоловка ва Ивано-Даревка қишлоқларини эгаллаган. Афтидан, Россия қўмондонлиги кейинроқ Донецк областининг Украина назоратида қолаётган асосий шаҳарлари Словянск ва Краматорскка етиб бориш учун Северскни эгаллашни режалаштирган.
Райгородокда XIX аср охиридан буён мел қазиб олинади. Посёлка шимолида конлар чиқиндиларидан иборат 55 метр баландликкача бўлган тепаликлар жойлашган. РФ қўшини кенг кўламли уруш бошидан буён Райгородокни ўққа тутиб келади. 2022 йил октябрида россиялик ҳарбийлар чекинаётиб тўғонни портлатиши туфайли посёлкани сув босганди. Қуйидаги фотохроникада — украин ўт ўчирувчилари посёлка ўққа тутилиши вақтида чиққан ёнғинни ўчириши жараёни акс этган.
![](https://storage.kun.uz/source/10/L0KOxb_bAYsjyXHzsyvgU2VuOsOFhXAg.jpg)
Ethan Swope / Getty Images
![](https://storage.kun.uz/source/10/5je5sNQzStfMgrx5c1xoNsEAsvTvwzIt.jpg)
Ethan Swope / Getty Images
![](https://storage.kun.uz/source/10/6pZWN4fLia-Z_QJlcSd55MkJ7YastM5i.jpg)
![](https://storage.kun.uz/source/10/aKG7_rigBsq7OAv066vRUh1ReePLHUuH.jpg)
Урушда ҳар куни ҳарбий техникалар йўқ қилинади. Россия армияси таъмирлаш ротаси ҳарбийлари уларни қандай таъмирламоқда?
Россия ва Украина Бош штаблари ҳар куни фронтда рақибининг ўнлаб ҳарбий техникалари йўқ қилингани ҳақида хабар беради. Масалан, РФ мудофаа вазирлиги иддао қилишича, кенг кўламли уруш бошланганидан буён Украинанинг 16 мингдан ортиқ танклари ва бошқа зирҳли жанговар машиналари, 12 мингта дала артиллерияси қуроллари ва миномётлари, қарийб 24 мингта ҳарбий автомобил техникалари ва ҳоказолар йўқ қилинган. Украина томони эса Россиянинг саккиз мингдан ошиқ танки, 15 мингтадан артиллерия тизимлари ва жанговар зирҳланган машиналари, 20 минг автомобил, икки мингдан ошиқ қанотли ракеталари ҳамда 12 мингдан ошиқ дронлари йўқ қилингани ҳақида хабар қилган. Аслида ҳам шундай бўлганини оператив баҳолаш деярли имконсиз.
Давлат пропаганда нашрлари хабарларига кўра, Россиянинг зарбага учраган ҳарбий техникалари жанг майдонидан чиқарилиб, «махсус ҳарбий амалиёт ўтказилаётган ҳудуд ичкарисига» олиб кетилади — айнан қаергалигига аниқлик киритилмаган. Бундай жойларда уларни таъмирлаш роталари ҳарбий хизматчилари тузатишга ҳаракат қилади. Қуйидаги фоторепортажда — «Марказ» қўшинлар гуруҳининг усталар ротаси фаолияти кўрсатилган, бу ҳарбийлар «автомобил ва гусеницали техникаларни тиклаш» билан банд. Устахона деворларида советларнинг Иккинчи жаҳон уруши даврига оид пропаганда плакатларини ҳам кўриш мумкин: «За Родину-мать!», «Неустанно изучать боевую технику! Отлично знать свою специальность!» ва «Кончил работу — иди в баню» кабилар.
![](https://storage.kun.uz/source/10/hPSCtWymaXoG9TTA7XRtGPjSOCaCMcyk.jpg)
![](https://storage.kun.uz/source/10/tT1IbtZ7aj8g9CQhqdXrxjCw8MOrqHfv.jpg)
![](https://storage.kun.uz/source/10/u0puNGXZkorOmoY313MTB_lQ49oG61IS.jpg)
![](https://storage.kun.uz/source/10/Y_IX657c9lbh9S6ySXWXbl_RHn7F4M9E.jpg)
Abrams танкларини йўқ қилган россиялик ҳарбийлар тақдирланди
РФ мудофаа вазирлиги 16 июл куни Украина фронтида Американинг M1 Abrams русумли танкларини йўқ қилган ҳарбийларни тақдирлаш маросими ўтказилгани ҳақида хабар берди. Мукофотлар Донецк областининг Авдийивка йўналишида жанг қилаётган «Марказ» гуруҳи ҳарбий хизматчиларига топширилган. Бир танк учун 500 минг рублдан пул мукофоти Екатеринбургдаги «Форэс» компанияси томонидан ажратилган.
Компания вакили Иля Потанин россиялик ҳарбийлар ёз давомида Украина қуролли кучлари ихтиёрига етиб келиши кутилаётган F-15 ва F-16 қирувчи самолётларини йўқ қилганлик учун ҳам мукофотлар берилишини ваъда қилган. Потаниннинг сўзларига кўра уриб туширилган илк қирувчи самолёт учун пул мукофоти миқдори 15 миллион рублни ташкил этади.
![](https://storage.kun.uz/source/10/421OEBlV8onGqX13efm8GVeZQpBfle8s.jpg)
Станислав Красилников / РИА Новости / Спутник / Profimedia
![](https://storage.kun.uz/source/10/QK871PkKeFs2sHzIrwvIYJ3KLCn7Brql.jpg)
Станислав Красилников / РИА Новости / Спутник / Profimedia
![](https://storage.kun.uz/source/10/-qjSUxGCnsPFpJ4nydY5oqmuuNZ1DaVT.jpg)
Станислав Красилников / РИА Новости / Спутник / Profimedia
![](https://storage.kun.uz/source/10/KMGa3cZ1EormcOYM6fdc4A25plJMsvok.jpg)
Часив Яр учун жанглар давом этмоқда
Украина қуролли кучларининг қирол Даниил номидаги 24-алоҳида механизациялашган бригадаси Донецк области Бахмут шаҳри ғарбидаги Часив Ярни мудофаа қилмоқда, Россия қўшини бу жойни эгаллаш учун 2024 йил апрелидан жиддий ҳаракат бошлаганди. Ҳозирда, украин ҳарбийларининг сўзларига кўра, фронт чизиғи ва асосий ҳарбий ҳаракатлар Северский Донец-Донбасс канали бўйлаб ўтмоқда, бу канал икки томон учун сув тўсиғи ҳисобланади. Россия армияси фронтнинг бу участкасида Украина қуролли кучлари бўлинмаларига қараганда сон жиҳатдан устунлик қилмоқда.
24-бригада шифокорлари дала шароитида қурилган барқарорлаштириш пунктларида ярадор жангчиларни ўзига келтириш ва жарроҳлик амалиётлари ўтказиш билан шуғулланмоқда. Жабрланувчи биринчи тиббий ёрдамдан кейин фронт ортидаги ҳудудларга эвакуация қилинади, у ерларда тўлиқ даволаниш имкониятига эга бўлади. Қуйида шифокорлар Часив Яр атрофида қандай шароитларда иш олиб бораётгани акс этган суратлар.
![](https://storage.kun.uz/source/10/nkB9zcefctAFCtGwMociX6BnYbzPWFuJ.jpg)
Oleg Petrasiuk / қирол Даниил номидаги 24-бригада / AP / Scanpix / LETA
![](https://storage.kun.uz/source/10/liI3FeQgd1f_PZtvScuoWbPAWhj-7N4P.jpg)
Oleg Petrasiuk / қирол Даниил номидаги 24-бригада / AP / Scanpix / LETA
![](https://storage.kun.uz/source/10/F61PMtE8a-Xc9_YzNCVCa18pcfDj89NS.jpg)
![](https://storage.kun.uz/source/10/Upae3FCvtaxy00N2z_XOSkNgKuAtxjAI.jpg)
![](https://storage.kun.uz/source/10/YDgJzvkn-1n-qJ14rYVHpAhSsmXcow-6.jpg)
Мавзуга оид
![](https://storage.kun.uz/source/thumbnails/_medium/10/RuA8d7qCvUpL4JT8EVOIOGtE_A8Ur3G4_medium.jpg)
22:36 / 07.09.2024
Трамп Украинадаги урушни қандай тугатишни режалаштираётганини айтди
![](https://storage.kun.uz/source/thumbnails/_medium/10/R6KYhgAelgLWM8shxLt8ThPaLMYmx0WF_medium.jpg)
19:26 / 07.09.2024
Блэкаутларга қарамасдан Украинада электромобиллар сони ортяпти. Бунга сабаб нима?
![](https://storage.kun.uz/source/thumbnails/_medium/10/YAkQKullZcnyDAwIaMzuLVxpzQGtpARy_medium.jpg)
18:44 / 07.09.2024
Украинада ҳалок бўлган Россия армияси вакиллари орасида ўзбекистонликлар ҳам бор – ОАВ
![](https://storage.kun.uz/source/thumbnails/_medium/10/e8JpomDrhPJmlg5LBayr5oiXIdCX91-P_medium.jpg)
11:00 / 07.09.2024