Россия: Москва Кишинёвнинг россиялик дипломатни чиқариб юбориш қарорига муносиб жавоб қайтаради

Кишинёвнинг россиялик дипломатни персона нон грата деб эълон қилиш қарорига Москва муносиб жавоб қайтаради. 

Бу ҳақда Россия ТИВ расмий вакили Мария Захарованинг 1 август, пайшанба куни департамент матбуот хизмати томонидан чоп этилган шарҳида айтилади.

Захарованинг таъкидлашича, 1 август куни Молдова Республикаси расмийлари ҳеч қандай аниқ асосларсиз Россиянинг Кишинёвдаги элчихонаси ходимини «персона нон грата» деб эълон қилган. 

«Биз бу нодўстона қадамни Молдова амалдаги раҳбариятининг тажовузкор аксилроссия курси яна бир кўриниши деб биламиз, бу чуқур тарихий илдизларга эга бўлган Россия-Молдова алоқаларини масъулиятсиз равишда бузмоқда», - дея таъкидлади дипломат. 

Унинг сўзларига кўра, русофоблик кайфияти кучайиши, «жосуслик воқеалари» бўйича уйдирмалар ва тарғибот расмий Кишинёв адекват чоралар кўриш, Россия ва Молдова ўртасидаги муносабатлар икки давлат халқлари учун аҳамиятини тушуниш қобилиятини йўқотганидан далолат беради». 

Ҳозирги вазиятда Россия томони Молдова расмийларининг Россия элчихонаси ходимига нисбатан «асоссиз душманлик» қарорига муносиб жавоб бериш ҳуқуқини ўзида сақлаб қолади, дея қўшимча қилди Мария Захарова.

1 август, пайшанба куни Молдова Ташқи ишлар вазирлиги Россия элчихонаси ходимини республика ҳудудида номақбул шахс деб эълон қилиш тўғрисидаги қарорни чиқарди.

Тегишли нота Россиянинг Молдовадаги элчиси Олег Васнецовга топширилди ва у Ташқи ишлар вазирлигига чақирилди.

Идора хабар беришича, «Молдова қарори аниқ чора-тадбирлар кўрилганидан сўнг қабул қилинган бўлиб, натижада россиялик дипломат Молдова Республикаси ҳудудида ўзининг дипломатик фаолиятига тўғри келмайдиган иш олиб борганини кўрсатувчи маълумотлар ва далиллар мавжуд».

Шу муносабат билан Россия элчихонаси ходими Молдова Республикасини тарк этади, дея қўшимча қилди Молдова ТИВ.