Қашқадарёда кондаги газ қувурида ёнғин юз берди

Нишон туманидаги газ қувурида юзага келган ёнғин тўлиқ бартараф этилди.

Фото: Видеодан кадр

Бугун, 21 август куни соат 11:35 да Қашқадарё вилояти, Нишон туманидаги «Ширинобод» конидаги (Epsilon ХКга қарашли) қудуқлар оралиғида диаметри 426 мм бўлган қувурдан газ сизиб чиқиш ҳолати оқибатида ёнғин юзага келган.

Энергетика вазирлиги хабарига кўра, ҳозирги вақтда ёнғин тўлиқ бартараф этилиб, таъмирлаш ишларига киришилган.

Қайд этилишича, воқеа оқибатида жароҳатланганлар йўқ.

Ҳолат юзасидан қўшимча ахборот берилиши билдирилган.