Синоптиклар сентябрда кутилаётган об-ҳаво тўғрисида маълумот берди

Бу йил сентябр ойи биринчи ўн кунлигида қулай ҳарорат фонида қуруқ об-ҳаво ҳукм суриши кутилмоқда. Кечаси ва эрта тонгда +12...+17 даража салқин бўлади, кундузи қуёш нурлари ҳавони +28...+33 даражагача, баъзи жойларда +35 даражагача иситади. Ўн кунлик иккинчи ярмида +24...+27 даражагача қисқа муддатга пасайиши мумкин.

Фото: Kun.uz

Сентябр – кузининг биринчи ойи, аммо Ўзбекистонда об-ҳаво шароитига кўра, фақат қулайроқ ҳарорат фонида, у кўпинча ёзга ўхшайди.

"Ўзгидромет" хабарига кўра, Ўзбекистонда сентябр ойи йилнинг энг қурғоқчил ойларидан бири деб ҳисобланади.

Бу йил сентябр ойининг биринчи ўн кунлигида қулай ҳарорат фонида қуруқ об-ҳаво ҳукм суриши кутилмоқда.

Кечаси ва эрта тонгда +12...+17 даража ҳароратда тетиклантирувчи салқинлик сезилади, кундузи эса қуёш нурлари ҳавони +28...+33 даражагача, баъзи жойларда +35 даражагача иситади. Ўн кунликнинг иккинчи ярмида +24...+27 даражагача қисқа муддатга пасайиши мумкин.

Кейинчалик, сентябр ойининг охиригача пастроқ фонда ҳарорат кечалари +13...+18 даражадан +7...+12 даражагача, кундуз кунлари +28...+33 даражадан +20...+25 даражагача ўзгариб туриши кутилмоқда.

Ойнинг учинчи ўн кунлиги айрим кунларида қисқа муддатли ёмғирлар ёғиши мумкин.

#об-ҳаво #Ўзгидромет