Қўшимча функционаллар
-
Тунги кўриниш
Катанец: «Ўзбекистон ҳозиргача айнан ортиқча босим сабаб ЖЧга чиқа олмаган»
Ўзбекистон миллий жамоаси бош мураббийи Сречко Катанец ЖЧ 3-саралаш босқичи 1-туридан ўрин олган КХДР билан ўйин олдидан ўз фикрларини билдирди.
Фото: Tribuna.uz
«Бизда ҳаммаси жойида. Футболчилар тайёр. Эртанги ўйин учун мақсадимиз — фақат ғалаба.
Ўртоқлик ўйинлари? Ҳа, тиғиз тақвим сабаб бунга улгурмаяпмиз. КХДР билан фарқимиз ҳам шунда. Лекин бу биз учун янгилик эмас. 3 йилдан бери биргамиз. Футболчилар бир-бирларини тушунишади ва нима қилиш кераклигини билишади. Йигитлар турли ҳолатда етиб келишган ва жамоани баланслаштириш — менинг вазифам.
Сизлардан бир нарсани сўрамоқчиман: ортиқча мотивация ва хоҳиш керак эмас. Ўзбекистон бунгача доим босим сабаб ЖЧга чиқа олмаган. Ҳозиргача ҳаммаси яхши бўлди ва бундан кейин ҳам «ёниб кетмаслигимиз» керак. Рақиблар барчаси жиддий. Бежиз бу босқичга етиб келишмаган.
ЖЧгача таркиб ўзгариб борадими? Эрта ё индинга нима бўлиши ҳақида ҳам билмайман. Ҳозирдан бу ҳақда ўйлаш нотўғри. Мундиал ҳали биздан анча йироқда. Бор эътиборни эртанги ўйинга қаратишимиз керак.
Рақибни ўрганиш осон бўлмади. Чунки биз кўрган ўйинларда турлича таркиблар билан ўйнашган. Асосий эътиборни ўз ўйинимизга қаратамиз», — дея словениялик мутахассиснинг сўзларини келтиради Tribuna.uz мухбири.
Мавзуга оид
12:22 / 05.09.2024
«Бошқа баҳона йўқ». Мундиалга олиб чиқадиган 4 сабаб
14:36 / 27.06.2024
«Мундиалга йўлланмани қўлга киритишимизга тўлиқ ишонаман» – Катанец қуръа натижалари ва рақиблар ҳақида
23:09 / 06.06.2024
Катанец — Туркманистон устидан ғалаба, уни ҳайратда қолдирган футболчи, дарвозабонлар ва пеналтиларга тайёргарлик ҳақида
13:11 / 05.06.2024