Тошкент халқаро кинофестивали бошқа муддатга қолдирилди

Бу Ўзбекистонда бир қанча бошқа йирик тадбирлар ўтказилиши билан изоҳланди.

Фото: afisha.uz

«Ипак йўли дурдонаси» XVI Тошкент халқаро кинофестивали бошқа муддатга қолдирилди. Бу ҳақда фестивал ташкилотчилари веб-сайтида хабар берилди.

Қайд қилинишича, 15-19 сентябр кунлари пойтахтда ўтказилиши режалаштирилган кинофестивал бошқа санага қолдирилган. Бу бошқа бир қанча йирик тадбирлар, жумладан, футзал бўйича Жаҳон чемпионати, халқаро форум ва конференциялар ўтказилиши билан изоҳланган. Шунингдек, кинофестивал танлов дастурида иштирок этиш учун аризалар қабули тўхтатилганига қарамай, (60 дан ортиқ давлатдан 400 дан ортиқ филм), хорижий мамлакатлардан иштирок учун талабгорлар сўрови давом этаётгани таъкидланган.

Кинофестивал ташкилотчилари янги сана ҳақида хабар бермади.

Тайёрлаган: Сардор Юсупов

#маданият #кинофестивал #Тошкен