Қўшимча функционаллар
-
Тунги кўриниш
АЭХА Россияни Запорижжя АЭС ҳудудини зудлик билан тарк этишга чақирди
Шунингдек, станция хавфсизлигини таъминлаш учун уни Украина ҳукумати назоратига қайтаришни талаб қилди.
Фото: Getty Images
Атом энергетикаси бўйича халқаро агентлик (АЭХА) Бош конференцияси 68-сессиясида «Украинада ядровий хавфсизлик, муҳофаза ва кафолатлар» резолюциясини 65 овоз билан маъқуллади. Ҳужжатга агентликка аъзо 52 давлат ҳаммуаллифлик қилган, унинг матни Украина Энергетика вазирлиги веб-сайтида эълон қилинди.
Резолюцияда Украина атом электр станциялари, жумладан, Запорижжя АЭС (ЗАЭС) Украинанинг тўлиқ суверен назорати остида ишлаши кераклиги тасдиқланади. АЭХА ЗАЭС ҳудудидан россиялик ҳарбийлар ва бошқа ходимларни зудлик билан олиб чиқиб кетишга ва станция хавфсизлигини таъминлаш учун уни Украина ҳукумати назоратига қайтаришга чақирди.
ЗАЭС Украина назоратига қайтарилгунга қадар, Россия станциядаги барча объектларга АЭХА ходимларининг чекловсиз киришини таъминлаши шарт.
Ҳужжатда Агентликнинг Украинадаги ядровий хавфсизлик хатарларини бартараф этиш бўйича кейинги саъй-ҳаракатлари қўллаб-қувватланиши билдирилган, айниқса агентлик бош директорининг Украина атом электр станциялари фаолияти учун муҳим бўлган юқори волтли нимстанцияларга кузатув миссияларини юбориш тўғрисидаги қарори контекстида. Шунингдек, ядровий иншоотларнинг хавфсиз ишлашини таъминлаш учун АЭХА томонидан Украинага техник ёрдам кўрсатишни давом эттиришни қўллаб-қувватлаш ва тегишли дастурларни кейинги сиёсий, молиявий ва моддий қўллаб-қувватлаш кўрсатилган.
Мавзуга оид
21:11
Россия Курск областига ҳужум учун 50 минг кишилик қўшин тўплади — NYT
21:05
Фронтдаги вазият: Россия ҳарбийлари Курск областида қарши ҳужумга тайёрланмоқда
19:02
The Guardian: Буюк Британия ҳукумат алмашганидан кейин Украинага ракеталар етказишни тўхтатди
13:30