БМТ оккупацияда украиналиклар қийноққа солингани бўйича янги далилларни топди

БМТ экспертлари фикрича, Россия ҳукумати украиналик эркаклар, жумладан, тинч аҳоли вакилларининг қийноқларга дучор қилинишини «одатий ҳодиса» деб билади.

Фото: Kyodo/picture alliance

Украинанинг Россия томонидан босиб олинган ҳудудларида қамоққа олинган тинч фуқаролар ва ҳарбий асирлар Россия томонидан тайинланган маҳаллий «ҳокимият вакиллари»нинг розилиги билан мунтазам равишда қийноққа солинган. Бу ҳақда 23 сентябр, душанба куни эълон қилинган БМТнинг Украинадаги ҳуқуқбузарликлар бўйича тергов комиссияси ҳисоботида айтилади.

Янги далиллар Бирлашган Миллатлар Ташкилоти экспертларининг Украинанинг босиб олинган ҳудудларида, айниқса қамоқхоналарда қийноқлар кенг тарқалганлиги ҳақидаги олдинги хулосаларини тасдиқлайди, шунингдек, маҳбусларни қийнашда Россия Федерациясининг «аниқ хизматлар ходимлари» иштирок этганлигини кўрсатади, дейди БМТ Инсон ҳуқуқлари кенгашига тақдим этилган ҳисобот муаллифлари.

«Қийноқларнинг кенг жуғрофий кўлами ва кенг тарқалган шакллари қийноқлар умумий ва қабул қилинган амалиёт сифатида жазосизлик ҳисси билан амалга оширилганлигини кўрсатади», — деди БМТ комиссияси.

Жинсий зўравонлик - РФ назорати остидаги қамоқхоналарда қийноқлар учун умумий хусусият

БМТ экспертларининг фикрича, «асосан эркакларга нисбатан» жинсий зўравонлик Украинанинг босиб олинган ҳудудларидаги деярли барча қамоқхоналарда қўлланадиган қийноқ усулларидан бирига айланган.

Маҳбусларга нисбатан қийноқлар ва шафқатсиз муносабатда бўлиш бўйича буйруқлар «Россия ҳукуматининг юқори мартабали вакиллари» томонидан берилган, улар содир бўлаётган воқеаларни маъқуллаган ёки унга аралашишни зарур деб ҳисобламаган, деб таъкидлайди комиссия собиқ маҳбусларга таяниб.

«Энг ёмони, жиноятчилар ҳамма нарсани жимгина ва профессионал тарзда қилишган, шунинг учун улар кўпчиликни қийнашганини ва улар бизни одамлар деб ҳисобламаганини англадим», — дея ҳисоботда улардан бирининг сўзлари келтирилади.

Қийноқлар кўплаб жабрланувчиларга жиддий ёки тузатиб бўлмайдиган жисмоний зарар ва жароҳатлар келтирди, дея таъкидлайди БМТ комиссияси. Омон қолганларнинг баъзилари жамиятга қайта интеграция қилиш ва яқинлари билан муносабатларни тиклашда жиддий қийинчиликларга дуч келишган.