Ўзбекистонлик хоккейчилар илк маротаба жаҳон чемпионатида иштирок этади

Ўзбекистон миллий жамоаси Арманистонда ўтказиладиган жаҳон чемпионати IV дивизионида дебют қилади.

Фото: ice-hockey.uz

Хоккей бўйича Ўзбекистон миллий терма жамоаси ва ёшлар терма жамоаси 2025 йилги дебют жаҳон чемпионатида қачон ва қаерда иштирок этиши маълум бўлди.

Ўзбекистон миллий терма жамоаси илк бор расмий турнирда – Жаҳон чемпионатининг нуфузи жиҳатидан бешинчи ўринда турувчи IV дивизионида иштирок этади. Турнир 13-19 апрел кунлари Ереванда бўлиб ўтади. Ўзбекистонга Арманистон, Эрон, Кувайт, Малайзия ва Индонезия рақиб бўлади.

Ўзбекистон ёшлар терма жамоаси ҳам жаҳон чемпионатида дебют қилади. Ўзбекистон ўсмирлари 2025 йил 28 февралидан 6 мартига қадар Бангкокда ўтказиладиган III дивизионнинг «B» гуруҳида иштирок этади. Уларга Таиланд, Туркманистон, Босния, ЖАР ва Люксембург рақиблик қилади.