ЖЧ-2026 саралаши. Ўзбекистон 10 киши қолган БААни пеналтидан киритилган гол эвазига мағлуб этди

Тошкентда 30 мингдан ортиқ томошабин қаршисида ўтган учрашувнинг биринчи бўлимида ҳисоб очилмаган бўлса, 66-дақиқада меҳмонлар вакили Абдулла Ҳамад майдондан четлатилди. Шундан сўнг майдон эгаларининг ҳужумлари хавфли кўриниш ола бошлади. 70-дақиқада Бобур Абдухолиқов захирадан майдонга тушгач, пеналти ишлади. 11 метрлик нуқтага дастлаб Машарипов яқинлашган бўлса, якунда зарбани Отабек Шукуров йўллаб, стадионни ларзага келтирди – 1:0.

Якунда ушбу натижа ўзгармади ва бош мураббий Сречко Катанецсиз тўп сурган Ўзбекистон миллий жамоаси муҳим ғалабага эришди. Бу БАА устидан Тошкентда қўлга киритилган илк ғалабага айланди.

Шу тариқа, Ўзбекистон 10 очко билан гуруҳда яққол пешқадамга айланиб олди. Вакилларимиз 5-турда 14 ноябр куни Қатар меҳмони бўлади. Бугун гуруҳдаги яна бир ўйинда Эрон Дубайда Қатарни қабул қилади.

ЖЧ-2026 саралаши. 4-тур

Ўзбекистон – БАА – 1:0
Ҳакам: Ма Нинг (Хитой)
Гол: Отабек Шукуров, 76 пеналтидан.

Ўзбекистон: 1.Ўткир Юсупов, 2.Абдуқодир Ҳусанов, 18.Абдулла Абдуллаев (17. Бобур Абдухолиқов, 70), 23.Ҳусниддин Алиқулов, 13.Шерзод Насруллаев, 19.Азизбек Турғунбоев (3. Ҳожиакбар Алижонов, 60), 7.Отабек Шукуров, 9.Одил Ҳамробеков, 10.Жалолиддин Машарипов, 22.Аббосбек Файзуллаев (20. Ҳожимат Эркинов, 89), 14.Элдор Шомуродов

БАА: 17. Ҳолид Эйса, 2. Абдулла Идрис, 8. Тахнун Ҳамдам, 9. Ҳариб Абдулла, 10. Яҳё Али, 11.  Кайо Канедо, 12. Халифа Муборак, 13. Муҳаммад Умар, 14. Абдулла Ҳамад, 16. Маркус Винисиус, 19. Холид Иброҳим

Захира: 1. Ал Ҳасиф Ал Ҳусайни, 3. Зайид Султон, 4. Холид Ал Хошми, 5. Али Ҳассан, 7. Али Солиҳ, 18. Жеймс Маккензи, 20. Фаҳад Бадер, 21. Иссам Фаиз, 22. Холид Тавхид, 23. Бруно Оливейра

Четлатиш: Абдулла Ҳамад, 66 (БАА).