Ҳафта давомида ҳарорат аста-секин кўтарилади

Бу йилнинг сўнгги иш ҳафтаси давомида Ўзбекистоннинг барча ҳудудлари бўйича ёғингарчиликсиз об-ҳаво сақланиб туради.

Фото: Kun.uz

«Ўзгидромет» хабарига кўра, кечалари кузатилаётган совуқ аста-секин кучсизлашади, ҳафтанинг иккинчи ярмида ҳаво ҳарорати кечаси ва эрталаб –3...+2 даража атрофида бўлади.

Кундузи ҳаво ҳарорати +5...+10 даражагача, жанубда +12...+15 даражагача, шимолда ва Фарғона водийсида +2...+7 даражагача кўтарилади. Кечаси ва эрталаб баъзи жойларга туман тушиши мумкин.

Тошкент шаҳрида ҳаво бироз булутли, вақти-вақти билан ўзгарувчан бўлади, ёғингарчилик кутилмайди. Ҳарорат кечаси –3...–5 даражадан 0...+1 даражагача аста-секин кўтарилади, кундузи ҳарорат асосан +6...+9 даража бўлади.