Россиянинг энг катта мағлубиятларидан бири — Зеленский Россия гази транзитини тўхтатилиши ҳақида

Украина президенти Володимир Зеленский Россия газининг Украина орқали Европага транзитини тўхтатилиши Москванинг энг катта мағлубиятларидан бири эканлигига ишонади.

«25 йилдан кўпроқ вақт олдин Путинга Россияда ҳокимият берилганида, Украина ҳудуди орқали Европага йиллик газ етказиб бериш ҳажми 130+ миллиард куб метрни ташкил этган эди. Бугунги кунда Россия газининг транзити 0 га тенг», деди Зеленский.

Украина президенти таъкидлаганидек, Россия энергия ресурсларини қуролга айлантириши ва шерикларини бемаъни энергия шантажи қилиши туфайли энг жозибали ва географик жиҳатдан қулай бозордан маҳрум бўлди.

«Ҳолатдан келиб чиқиб, Европа давлатларининг мутлақ кўпчилиги бу каби ўзгаришларга муваффақиятли мослашди... Биз европалик баъзи сиёсатчиларнинг ваҳимасига сабр билан туриб беришимиз керак, улар шаффоф энергетика сиёсати ўрнига Москва билан мафиози схемаларини афзал кўради», деди Зеленский.

Украина раҳбари, шунингдек, Американинг янги сайланган президенти Доналд Трамп айтганидек, Европага газ етказиб бериш ҳажми ошишига катта умид билдирди. Зеленскийнинг қўшимча қилишича, «Ҳамкорлик ва бозордаги ҳамкорларнинг максимал таклифлари нархларни янада қулай қилади».

Украина президентининг ишончи комилки, бозорда Европанинг ҳақиқий ҳамкорларидан газ қанча кўп бўлса, Европанинг Россияга энергия қарамлигининг сўнгги салбий оқибатлари шунчалик тез енгиб чиқилади.

2025 йил 1 январ куни Украина ўзининг газ транспорти тизими орқали Россия табиий газини Европага етказишни расман тўхтатди. Украина «Газпром» билан тузилган шу мазмундаги шартномани узайтирмади, бу миллий хавфсизлик манфаатларидан келиб чиққан ҳолда қилингани таъкидланмоқда.