Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жаҳон | 23:33 / 03.02.2025
    3931
    2 дақиқада ўқилади

    Reuters: Оқ уй Байден президентлигининг охирги йилида Украинага қурол етказиб беришни кечиктирган

    АҚШ Конгресси Киевга 60 млрд долларлик қўшимча ёрдамни маъқуллаганига қарамай, Байден маъмурияти ваъда қилинган қурол-яроғларни етказиб беришга шошилмаган. Трамп сайловларда ғалаба қозонгач эса ҳарбий ёрдам юбориш тезлашиб кетган.

    Фото: Reuters

    АҚШнинг 46-президенти Жо Байден маъмурияти ўз фаолиятининг охирги йилида Украинага қурол етказиб бериш бўйича қарорларни кечиктирган, деб хабар беради Reuters.

    Агентлик маълумотларига кўра, асосий етказиб беришлар Украинага 60 миллиард доллар миқдорида қўшимча ёрдам ажрата олмаган Конгресснинг ҳаракатлари, шунингдек, қурол юбориш Россия томонидан эскалацияга олиб келиши мумкинлиги хавотири сабаб кечиккан.

    Reuters таҳлилларига кўра, Конгресс Украинага ёрдам ажратишни маъқуллаганидан кейин ҳам қурол-яроғ етказиб беришдаги кечикишлар давом этган. 2024 йил ноябрида АҚШ йил давомида Америка армияси омборларидан ажратиш режалаштирилган ҳарбий ёрдамнинг фақат ярмини етказиб берган. Доналд Трамп АҚШ президентлиги сайловларида ғалаба қозонгач, ҳарбий ёрдам кўрсатиш кескин ошган. Шу билан бирга, декабр ойига келиб АҚШ ваъда қилинган зирҳли техникаларнинг фақат 30 фоизини Украинага етказиб бера олган.

    Пентагон вакиллари ва Байденнинг собий маъмурияти, шунингдек, украиналик ҳарбийлар бунга изоҳ беришдан бош тортди. Украина Мудофаа вазирлиги, президент Володимир Зеленский ҳам Reuters сўровларига жавоб қайтармаган.

    Жо Байден администрацияси РФ Украинага қарши кенг кўламли уруш бошлаганидан бери Киевга 63 миллиард долларлик ёрдам ажратган. Доналд Трамп 2024 йил ноябрда сайловларда ғалаба қозонганидан кейин Оқ уй ҳарбий ёрдам юборишни тезлаштирган.

    #Украина #Жо Байден

    Россия-Украина уруши

    2022 йил 22 феврал куни Россия Украина чегарасидан ўтиб, қўшни мамлакатга бостириб кирди. Украина армияси жанг таклиф қилди.

    Тавсия этамиз

    Сўнгги янгиликлар

    Барча янгиликлар

    Мавзуга оид

    20:47

    Трамп Россия ва Украина ўртасида доимий сулҳ бўлишини истайди – Оқ уй

    20:37

    Украина ТИВ Путин томонидан эълон қилинган оташкесим бўйича изоҳ берди

    16:59

    Киев суди Украина собиқ президенти Виктор Януковични сиртдан 15 йилга ҳукм қилди

    16:41

    Путин 9 май куни Украинада ўт очиш тўхтатилишини эълон қилди