Россиянинг яна бир ҳудуди мигрантлар меҳнатига чекловлар жорий қилди

Нижний Новгород вилоятида мигрантларга 16 та соҳада ишлаш тақиқланди.

Россиянинг Нижний Новгород вилояти маъмурияти мигрантларга курьер ва шифокор бўлиб ишлашни тақиқлади. Тегишли фармонни вилоят губернатори Глеб Никитин имзолади. Ҳужжат эълон қилинган кундан бошлаб ўн кун ичида кучга киради.

«У [фармон] фуқароларнинг бандлик даражасини ошириш, меҳнат бозорида рақобат шароитларини яратиш, Россия фуқаролари ҳуқуқларини ҳимоя қилиш ва минтақада ижтимоий барқарорликни таъминлаш мақсадида қабул қилинган», дейилади хабарда.

Чекловлар 16 фаолият соҳасига, жумладан курьерлик етказиб бериш, соғлиқни сақлаш, маданият, умумий овқатланиш ва спорт соҳаларига таъсир кўрсатди. 2024 йилда бундай ҳудудларда иш билан банд бўлган мигрантлар сони 10 фоиздан кам бўлган.

Иш берувчилар фармон кучга кирган кундан бошлаб уч ой муддатда кадрлар стратегиясини қайта кўриб чиқиш ва мигрантлар сонини янги талабларга мослаштириш керак бўлади.

Нижний Новгород вилоятидаги чет эл фуқаролари ҳали ҳам қишлоқ хўжалиги, қурилиш ва ишлаб чиқариш каби кадрлар камёб бўлган соҳаларда ишлаши мумкин.