Германия Иккинчи жаҳон урушидан бери биринчи марта қўшинларини хорижга жойлаштиради

Германия Иккинчи жаҳон урушидан бери илк бор хориж давлатига қўшин киритмоқда, деб ёзди Politico. Беш минг аскар зирҳли танк бригадаси таркибида Литвага, НАТО шарқий қанотини мустаҳкамлаш учун юборилади.

Германия ҳарбий лобби гуруҳига кўра, янги ташкил этилган 45-зирҳли бригада Вилнюс яқинидаги маросимдан сўнг расман хизматга киришди. Вақтинчалик штаб тузилди ва генерал Кристоф Хубер бошчилигидаги бригаданинг эмблемаси тақдим этилди.

«Бизнинг аниқ вазифамиз бор: НАТО шарқий қанотидаги литвалик иттифоқчилар хавфсизлигини ва эркинлигини таъминлаш. Бу билан биз НАТО ҳудудини ва Германиянинг ўзини ҳам ҳимоя қиламиз», деди Хубер.

Ҳозир Литвага 150 нафар немис аскари етиб борган, йил охиригача уларнинг сони 500 нафар бўлади.

Бригада 2027 йилга бориб тўлиқ шаклланади. Режага кўра, у Вилнюсдан тахминан 30 км жанубда жойлашган Руднинкай қишлоғи яқинидаги янги ҳарбий мажмуада жойлашади. Ҳарбий қисм нафақат олдинга силжиш кучларини, балки қўллаб-қувватлаш бўлинмаларини ҳам ўз ичига олади - тиббиёт ходимлари, алоқа компанияси ва қўмондонлик қўллаб-қувватлаш гуруҳлари. Дастлаб немис қўшинлари вақтинчалик базаларга жойлаштирилади.