Аллергия белгиларини енгиллаштиришга ёрдам берадиган табиий модда аниқланди
Мева ва сабзавотлардаги кемпферол аллергия белгиларини енгиллаштиришга хизмат қилиши маълум бўлди.

Фото: Unsplash
Профессор Тиҳару Нишияма раҳбарлиги остида Токио университети тадқиқотчилари озиқ-овқат аллергияси белгиларини камайтириш ва иммун тизимининг бунга қарши жавобини тартибга солишга қодир моддани аниқлади. Тадқиқот натижалари Allergy журналида чоп этилган.
Гап кемпферол деб номланувчи табиий флавоноид ҳақида бормоқда — бу модда исмалоқ, брокколи, ловия, қизил пўстли олма, кўк чой ва карам каби маҳсулотларда мавжуд. Сичқонларда ўтказилган тажрибалар давомида кемпферол озиқ-овқатларга, хусусан, тухум оқига нисбатан аллергик реакцияни сезиларли даражада камайтириши аниқланган.
Тадқиқотчиларнинг аниқлашича, кемпферол RALDH2 ферментининг ишлаб чиқарилишини кучайтиради. Бу фермент иммун тизимининг жавоб реакцияси шаклланишида муҳим рол ўйнайди: у ичак ҳужайраларига яллиғланишни камайтиришда ва иммун тизимининг ҳаддан ташқари фаоллигини бостиришда ёрдам беради. Айнан шу ортиқча фаоллик аллергик ва аутоиммун касалликлар асоси бўлиб ҳисобланади.
Кемпферол қабул қилган сичқонларда тана ҳарорати пасайган, диарея тўхтаган ва аллергенга сезувчанлик сусайган. Профессор Нишияманинг сўзларига кўра, кемпферолга бой маҳсулотларни мунтазам истеъмол қилиш нафақат аллергия белгилари енгиллашишига, балки аутоиммун касалликлар ҳолатини яхшилашга ҳам ижобий таъсир кўрсатиши мумкин.
Гарчи тадқиқот ҳайвонлар устида ўтказилган бўлса-да, олимлар бу механизм инсон организмида ҳам ишлаши мумкин, деган фикрда. Яқин келажакда улар кемпферолнинг инсонлардаги аллергияга қарши самарадорлигини аниқлаш учун клиник синовлар ўтказишни режалаштирмоқда.
Тавсия этамиз
Бозор – гўшт нархи ҳақида: “Ем-хашак қиммат, мол боқиш осон бўлмай қолди”
Ўзбекистон | 17:00 / 27.05.2025
Пойтахт бош режаси интерактив харитада: унда нималар акс этган?
Ўзбекистон | 14:30 / 27.05.2025
“Виза беришни осонлаштириш ҳақида гап-сўз йўқ” – АҚШ элчихонаси
Ўзбекистон | 19:28 / 26.05.2025
Макрон Ветнамга ташрифи чоғида рафиқасидан шаппати еди
Жаҳон | 16:40 / 26.05.2025
Сўнгги янгиликлар
-
Тошкент вилоятида 40 та микро ГЭС қурилади
Ўзбекистон | 17:35
-
Бирлик сари 71 қадам. Туркий лидерлар илк марта Венгрияда йиғилди
Жаҳон | 17:20
-
"Бизнесни ривожлантириш банки" бизнес учун қулай инновацион банк бўлишга интилмоқда
Ўзбекистон | 17:00
-
Президент академик Азимбой Саъдуллаев вафоти муносабати билан таъзия билдирди
Жамият | 16:45
Мавзуга оид

23:51 / 19.05.2025
Олимлар жазирама ва сув тошқинларининг яширин хавфини аниқлади

22:23 / 17.05.2025
Шифокор чангли ҳавода амал қилиш керак бўлган тавсияларни берди

23:35 / 07.05.2025
Олимлар экстремал жазирамаларнинг асосий айбдорларини аниқлади

23:23 / 28.04.2025