Зеленский Россияга қарши «кучли санкциялар пакетлари»ни анонс қилди

Украина президенти Володимир Зеленский ўзининг анъанавий тунги видеомурожаатида Россияга қарши янги миллий санкциялар пакетлари тайёрланаётганини маълум қилди.

Фото: В.Зеленскийнинг видеомурожаатидан скриншот

«Биз ўзимизнинг, украин санкциялар пакетларимизни тайёрлаяпмиз — махсус хизматлар томонидан тегишли асослар тақдим этилган. Бу кучли санкциялар бўлади ва у Москва урушни молиялаш учун фойдаланадиган «хуфиёна флот» танкерларига қарши ҳам, урушни тарғиб қилувчилар — бизнинг мудофаамизни заифлаштиришга уринаётган ва Россияга ёрдам берувчи шахсларга нисбатан ҳам қўлланади.

Шунингдек, айрим мансабдорларга қарши ҳам — улар барча украиналикларга таниш, таъсирга эга бўлган шахслар.

Айни вақтда тегишли фармонлар тайёрланмоқда, барчаси босқичма-босқич амалга оширилади. Биз, шунингдек, ўз санкцияларимиз Европа Иттифоқи ва дунёдаги бошқа кучли юрисдикциялар қарорлари билан мувофиқлашиши учун ҳам иш олиб боряпмиз», — деди Зеленский.

Тайёрлаган: Шуҳрат Шокиржонов

#Украина #санкциялар #Володимир Зеленский