Россияда ўзбекистонлик қурувчи баландликдан йиқилиб ҳалок бўлди

Россиянинг Кемерово шаҳрида қурилаётган маданий кластерда 46 ёшли эркакнинг жасади топилгани юзасидан терговга қадар текширув бошланди. Мигрантнинг ўлими сабаблари ўрганилмоқда, деб хабар берди NGS42.

Қурилиш соҳасидаги манбанинг айтишича, марҳум асли Ўзбекистон фуқароси бўлиб, тахминан уч ҳафта олдин 46 ёшга тўлган. Унинг исми шарифи хабарда келтирилмаган.

Дастлабки маълумотларга кўра, эркак тахминан 15 метр баландликдан йиқилиб, воқеа жойида вафот этган.

Маданий кластер қурилишини олиб бораётган «Стройтрансгаз» компаниялар гуруҳи матбуот хизмати ҳалокат фактини тасдиқлаб, эркак бетончи бўлиб ишлаганини маълум қилди.