TikTok Европада 530 млн евро жаримага тортилди
TikTokʼнинг европалик фойдаланувчиларига тегишли маълумотлар Хитойдаги серверларда сақланган — бу эса Европа Иттифоқи қоидаларига зид.

Фото: Getty images
Ирландия Маъмулотларни ҳимоя қилиш комиссияси TikTok ижтимоий тармоғига эгалик қилувчи Хитойнинг ByteDance компаниясини 530 миллион евро жаримага тортди.
Қайд этилишича, жарима TikTok европаликларнинг шахсий маълумотларини Хитойга ноқонуний равишда юборгани ва фойдаланувчилар билан етарлича шаффоф бўлмагани сабаб белгиланган.
Компания маълумотларни Хитойга ўтказгани учун 485 миллион евро ва махфийлик сиёсатида шаффофлик йўқлиги учун 45 миллион евро жаримага тортилди.
Шунингдек, комиссия ByteDance’га қонунбузилиш ҳолатларини бартараф этиш учун олти ой муҳлат берди.
Комиссия маълумотларига кўра, компания TikTokʼнинг европалик фойдаланувчилари маълумотларини Хитойдаги серверларда сақлаган, натижада ХХР ҳукумати улардан фойдаланиш имкониятини қўлга киритган бўлиши мумкин. Бу европаликларга оид маълумотларни бошқа давлатлар ҳукуматларига беришни тақиқловчи ЕИ қоидаларига зид ҳисобланади.
TikTok вакиллари регулятор қарори устидан шикоят киритишларини билдириб, улар ҳеч қачон Хитой ҳукуматидан Европа фуқароларига оид маълумотларни тақдим этиш бўйича сўров олмагани ва бундай маълумотларни ҳеч кимга тақдим этмаганини маълум қилган.
Аввалроқ Европа комиссияси Американинг Apple ва Meta корпорацияларини рақамли бозорлар тўғрисидаги қонунни бузгани учун жаримага тортганди. Компаниялар ўзларининг бозордаги мавқеини суиистеъмол қилиб, рақобатни чеклаган. Шу боис энди Apple 500 миллион евро, Meta эса 200 миллион евро миқдорида жарима тўлаши керак.
Тавсия этамиз
Нима учун Кореяни танлаш ёки танламаслик керак? | SUBYEKTIV
Жамият | 19:02 / 30.06.2025
Уруш тугади, энди Исроил ва Эрон нима қилади?
Жаҳон | 12:02 / 30.06.2025
Кўчмас мулк савдосини нақдсиз шаклга ўтказиш режалаштириляпти
Иқтисодиёт | 11:26 / 30.06.2025
Ҳиндистонда ўн миллионлаб одам уран билан ифлосланган сувни ичмоқда — олимлар
Жаҳон | 09:01 / 30.06.2025
Сўнгги янгиликлар
Мавзуга оид

15:28 / 03.07.2025
ЕИ 2040 йилга бориб CO2 ташламаларини 90 фоизга қисқартиради

10:58 / 30.06.2025
Европада рекорд даражадаги жазирама: Францияда ёнғинлар, Германияда қурғоқчилик

22:01 / 29.06.2025
Трамп TikTok учун харидорлар топганини маълум қилди

21:51 / 26.06.2025