Ўзбекистон иқтисодиётига киритилган инвестициялар ҳажми 20 фоизга ошди

2025 йилнинг биринчи чорагида Ўзбекистонда йиллик ўсиш 20 фоизни ташкил этиб, 8,7 миллиард доллардан ортиқ хорижий инвестициялар жалб қилинди.

Фото: Fotolia

Қозоғистоннинг "Курсив" электрон нашрининг ёзишича, инвестициялар энергетика, фармацевтика, агросаноат ва транспорт соҳаларида лойиҳаларни ишга туширишга йўналтирилди.

Прогнозларга кўра, Ўзбекистон иқтисодиётига жорий йилнинг биринчи ярмида хорижий сармоя киритилиши 18 миллиард доллардан ошади.

Жорий йил охиригача 42 миллиард долларлик инвестиция жалб этиш режалаштирилган. Бу республикада 81 та йирик лойиҳани, саккиз мингдан ортиқ кичик ва ўрта лойиҳаларни ишга тушириш имконини беради.