Шавкат Мирзиёев Хитой раиси Си Жингпингга таъзия йўллади

Хитойнинг Гуйчжоу провинциясида юз берган фожиа оқибатида кўплаб инсонлар ҳаётдан кўз юмгани ва жароҳат олгани муносабати билан Шавкат Мирзиёев Хитой Халқ Республикаси раиси Си Жингпингга таъзия йўллади.

Ўзбекистон президенти ҳалок бўлганларнинг оила аъзолари ва яқинларига ҳамдардлик билдирди, жабрланганлар тез орада соғайиб кетишини тилади.

Эслатиб ўтамиз, 4 май куни Хитойнинг Гуйчжоу провинциясида кучли шамол дарёда сузиб юрган тўртта сайёҳлик кемасини ағдариб юбориши оқибатида 10 киши ҳалок бўлди. Ҳалок бўлганларнинг сўнггиси 5 май куни сувдан чиқариб олинган. Қолган йўловчилар қутқарувчилар томонидан қирғоққа олиб чиқилган. Хитой ОАВнинг ёзишича, 70 киши тиббий ёрдам сўраб мурожаат қилган. Уларнинг барчасининг аҳволи қониқарли.