Шавкат Мирзиёев амалий ташриф билан Беларусда бўлади

Ўзбекистон президенти Шавкат Мирзиёев Беларус президенти Александр Лукашенконинг таклифига биноан 26-27 июн кунлари амалий ташриф билан Минск шаҳрида бўлади.

Мамлакат етакчиси Олий Евросиё иқтисодий кенгашининг навбатдаги йиғилишида кузатувчи давлат раҳбари мақомида иштирок этади.

Саммит кун тартибидан ташкилот доирасидаги кўп томонлама ҳамкорликни янада кенгайтириш масалалари ўрин олган. Амалий ҳамкорликнинг устувор йўналишлари кўриб чиқилади.