Японияда «твиттер-киллер» қатл этилди

Японияда «Твиттер-киллер» сифатида танилган 34 ёшли Такаҳиро Сираиси қатл этилди, деб хабар берди NHK телеканали. 2020 йилда у Твиттер ижтимоий тармоғи орқали ўз жонига қасд қилишга мойил аёлларни топиб, ўлдирган. Сираиси қотиллик, талончилик ва жинсий тажовузда айбланган.

Қайд қилинишича, бу Японияда 2022 йилдан бери биринчи марта ўлим жазосининг қўлланиши ҳисобланади.

Тергов маълумотларига кўра, Сираиси Твиттер ижтимоий тармоғида ўз жонига қасд қилиш фикри билан ўртоқлашган аёлларни излаб топган. Кейин уларга ўз жонига қасд қилишда ёрдам таклиф қилган ёки ўзи ҳам биргаликда у билан бирга ўз жонига қасд қилмоқчи эканини айтган. Шундан сўнг у аёлларни уйига таклиф қилиб, спиртли ичимлик ва уйқу дори ичириб, зўрлаган ва ўлдирган.

Терговда иддао қилинишича, 2017 йил августидан октябригача Сираиси 15 ёшдан 26 ёшгача бўлган саккиз нафар аёлни, шунингдек, бедарак йўқолган аёллардан бирини қидираётган 20 ёшли йигитни бўғиб ўлдирган ва танасини бўлаклаган.

Судда Сираиси биринчи қотилликни 4500 доллар қарзини қайтармаслик учун қилганини айтди. Шундан сўнг у ўзининг шаҳвоний истакларини қондириш учун аёлларни қидириб топганини, аммо уларнинг полицияга хабар беришидан қўрқиб, ўлдирганини тан олди.