Коррупция можаролари сабабли Абу-Дабига кўчиб кетган Испания фахрий қироли Португалияга кетмоқчи

Каталон матбуотининг ёзишича, фахрий қирол Хуан Карлос I нархи 4,5 миллион евролик қароргоҳни танлаган.

Фото: Getty images

Коррупция можаролари ва солиқ муаммолари боис Испанияни тарк этиб беш йилдан буён Абу-Дабида яшаётган фахрий қирол Хуан Карлос I Португалияга кўчиб ўтишга тайёргарлик кўрмоқда.

Каталониянинг El Nacional газетаси ўз манбаларига таяниб хабар беришича, Хуан Карлос I Эшторил ва Кашкайшдаги ҳашаматли қароргоҳларни кўздан кечирган. У Иккинчи испан республикаси эълон қилинганидан сўнг қочқинликдаги ёшлик даврини айнан Эшторилда ўтказган.

Хабарларга кўра, у нархи 4,5 миллион еврога тенг қароргоҳни танлаган.

Қароргоҳ Хуан Карлос I нинг ҳозирги ҳолатига мос равишда қайта жиҳозланмоқда.

Испаниянинг ҳозирги қироли Филипп VI нинг отаси бўлмиш Хуан Карлос I сони ва тиззаларида бир нечта операцияни ўтказган.

#Испания #Абу-Даби #Хуан Карлос I

Kun.uz янгиликларини Google News'да кузатинг

+ Обуна бўлиш