Венгрия мухолифати етакчиси Россия разведкасини сайловларга аралашаётганликда айблади

Венгрия мухолиф партияси етакчиси Россия ташқи разведка хизмати “Европа комиссияси Венгрияда ҳокимиятни алмаштиришни хоҳлаётгани” ҳақида баёнот берганидан сўнг ана шундай фикр билдирди.

Фото: Euronews

Россия ташқи разведка хизматининг баёнотига кўра, "Еврокомиссия 2026 йил баҳорида Венгрияда ҳокимиятни алмаштиришни истамоқда”. Разведканинг фикрича, “Тиса” партияси раҳбари Петер Мадяр Виктор Орбаннинг ўрнини эгаллайдиган асосий даъвогар ҳисобланади.

Таъкидланишича, уни қўллаб-қувватлаш учун “сезиларли миқёсда моддий, маъмурий, медиа ва лоббист воситалари йўналтирилган. Германиядаги партия фондлари, Норвегиядаги ҳуқуқ ташкилотлари ҳамда Европа халқ партияси маблағ ажратишга тайёр".

"Бу баёнот Владимир Путин разведкаси Венгриядаги сайловларга аралаша бошлаганлигининг яққол эътирофидир", - деди Петер Мадяр Балатонфюреддаги чиқишида.

У Euronews телеканалига берган интервюсида “Тиса” партиясини қўллаб-қувватлашини очиқчасига айтаётганлар қатағонга учраётганини айтди.

#Венгрия #Россия

Kun.uz янгиликларини Google News'да кузатинг

+ Обуна бўлиш