Путин, Трамп, Си Жинпинг ва бошқа қатор давлатлар раҳбарлари Шавкат Мирзиёевни мустақиллик байрами билан табриклашди

Келиб тушаётган мактубларда Янги Ўзбекистонда амалга оширилаётган кенг кўламли ислоҳотлар стратегиясининг натижалари, минтақада дўстлик, шериклик ва яхши қўшничилик муҳитини мустаҳкамлаш, дунё мамлакатлари билан ўзаро манфаатли ҳамкорликни кенгайтиришга қаратилган прагматик ва конструктив ташқи сиёсат юқори баҳоланмоқда.

Ижтимоий-иқтисодий соҳаларда эришилган ютуқлар, давлат ва жамият ҳаётининг барча жабҳаларидаги муваффақиятлар, Ўзбекистоннинг халқаро майдондаги нуфузи ортиб бораётгани алоҳида қайд этилган.

Қутловларда кўп миллатли Ўзбекистон халқига тинчлик-осойишталик, фаровонлик ва равнақ тилаклари изҳор этилган.

Хусусан, Россия президенти Владимир Путин, ХХР раиси Си Жинпинг, АҚШ президенти Доналд Трамп, Қозоғистон президенти Қосим-Жўмарт Тоқаев, Қирғизистон президенти Садир Жапаров, Тожикистон президенти Эмомали Раҳмон, Туркманистон президенти Сардор Бердимуҳамедов, Туркман халқининг миллий етакчиси, Туркманистон Халқ Маслаҳати раиси Гурбангули Бердимуҳамедов, Озарбойжон президенти Илҳом Алиев, Беларус президенти Александр Лукашенко, Туркия президенти Ражап Тоййип Эрдўған, Ҳиндистон бош вазири Нарендра Моди, Миср президенти Абдулфаттоҳ ас-Сиси, Эрон президенти Масъуд Пезешкиён, Покистон бош вазири Шаҳбоз Шариф, Корея президенти Ли Чжэ Мён, Европа кенгаши президенти Антониу Кошта, Германия президенти Франк-Вальтер Штайнмайер, Италия президенти Сержо Маттарелла, Арманистон бош вазири Никол Пашинян, Саудия Арабистони подшоҳи Салмон ибн Абдулазиз Ол Сауд, Саудия Арабистони валиаҳди, бош вазири Муҳаммад ибн Салмон Ол Сауд, Покистон президенти Асиф Али Зардарий, БАА президенти Шайх Муҳаммад бин Зоид Ол Наҳаён, БАА вице-президенти, бош вазири, Дубай амирлиги ҳокими Шайх Муҳаммад бин Рошид Ол Мактум, БАА вице-президенти, бош вазири ўринбосари, президент Администрацияси раҳбари Шайх Мансур бин Зоид Ол Наҳаён, Болгария президенти Румен Радев, Ирландия президенти Майкл Хиггинс, Сербия президенти Александр Вучич, Словения президенти Наташа Пирц Мусар, Словакия президенти Петер Пеллегрини, Латвия президенти Эдгарс Ринкевичс, Черногория президенти Яков Милатович, Чехия президенти Петр Павел, Швейцария президенти Карин Келлер-Зуттер, Эстония президенти Алар Карис, Грузия президенти Михаил Кавелашвили, Босния ва Герцеговина президиуми раиси Желко Комшич, Буюк Британия ва Шимолий Ирландия Бирлашган Қироллиги қироли Чарльз III, Япония императори Нарухито, Бельгия қироли Филипп, Испания қироли Филипп VI, Марокаш подшоҳи Муҳаммад VI, Камбожа подшоҳи Нородом Сиамони, Мўғулистон президенти Ухнаагийн Хурэлсух, Сингапур президенти Тарман Шанмугаратнам, Ветнам Социалистик Республикаси Президенти Лионг Кионг, Таиланд бош вазири вазифасини бажарувчи Пхумтхам Вечаячай, Фаластин президенти Маҳмуд Аббос, Афғонистон бош вазири Муҳаммад Хасан Оҳунд ҳамда қатор халқаро ташкилотлар раҳбарлари самимий тилакларини йўллаган.

Қутловлар келишда давом этмоқда.