Қўшимча функционаллар
-
Тунги кўриниш
Ўзбекистонда саккиз ой ичида 3 мингга яқин бола турли жиноятлардан жабрланди
Ижтимоий ҳимоя миллий агентлиги директори Мансурбек Оллоёровнинг сўзларига кўра, болаларга нисбатан зўравонлик ҳолатлари ортиб бормоқда.
Фото: Depositphotos
2025 йилнинг январь-август ойларида 2872 нафар вояга етмаган шахс турли жиноятлардан жабр кўрди, шундан 1225 нафари (42,7 фоиз) 12 ёшгача бўлган болалардир. Бу ҳақда Ижтимоий ҳимоя миллий агентлиги директори Мансурбек Оллоёров маълум қилди.
Таҳлилларга кўра, уларнинг 1475 нафари ижтимоий хавфи катта бўлмаган, 956 нафари унча оғир бўлмаган, 284 нафари оғир ва 157 нафари ўта оғир жиноятлардан жабрланган.
«Афсуски, болаларга нисбатан зўравонлик ҳолатлари ортиб бормоқда. Жабрланувчилар кўпинча айбланади ёки жим туришга мажбур қилинади. Айнан мана шу сукут сақлаш маданиятига нисбатан зўравонликка қарши курашгандек қатъият билан курашишимиз зарур», — деди Оллоёров.
Унинг сўзларига кўра, агентликнинг ишонч телефонига келган мурожаатлар ўтган йилга нисбатан уч баробарга ошди ва бу кўрсаткич ўсишда давом этмоқда.
Оллоёровнинг маълум қилишича, интернет орқали содир этилган жиноятлар учун жавобгарлик кучайтирилмоқда ҳамда педагоглар ва тарбиячиларнинг болаларни ҳимоя қилиш бўйича ўз мажбуриятларини бажармагани учун жавобгарлиги белгиланмоқда.
Мавзуга оид
20:07 / 29.11.2025
Иситиш мавсумида ёрдамга муҳтож оилаларни қўллаб-қувватлашга 1,2 триллион сўм йўналтирилди
18:33 / 04.08.2025
Айрим оилаларга мактабгача таълим хизмати учун моддий ёрдам тўлаш тартиби белгиланди
19:09 / 12.05.2025
Камбағал оилаларнинг талаба қизларига махсус стипендия тўланади
18:33 / 12.05.2025