Шота Руставели кўчасида автобус ва иккита машина ўзаро тўқнашди

Яккасарой туманида содир бўлган йўл-транспорт ҳодисаси ҳақида маълумот тақдим этилди.

Фото: Ижтимоий тармоқлар

Жорий йилнинг 15 октябр куни соат 17:05 ларда Яккасарой тумани Шота Руставели кўчасида йўл-транспорт ҳодисаси юз берди.

Тошкент шаҳар ИИББ ЙҲХБ хабарига кўра, Lacetti, Hongqi русумли автомашиналар ва King Long русумли автобус ўзаро тўқнашуви оқибатида йўл-транспорт ҳодисаси содир бўлган.

ЙТҲ натижасида тан жароҳати олганлар йўқ.

Мазкур ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда.