«Пахтакор» футбол академияси дунёнинг энг яхши юзталигига кирди

Клуб расмий ўйинларда жами 1899 дақиқа ўтказган 57 нафар футболчини тайёрлаган.

Фото: Pakhtakor Football Academy

Халқаро спорт тадқиқотлари маркази (CIES) энг яхши футбол академиялари рейтингини тузди. Рўйхат ташкилот сайтида эълон қилинди.

Рўйхатни тузишда CIES экспертлари тайёргарлик кўрган футболчилар сони, улар иштирок этаётган клублар даражаси, шунингдек, расмий ўйинларда ўтказган вақтини ҳисобга оладиган индексни ишлаб чиқди. Рейтингда жами 49 та лигадан 100 та клуб академияси ўрин олган.

90-ўринни Тошкентнинг «Пахтакор» клуби академияси эгаллади. Клуб расмий ўйинларда жами 1899 дақиқа ўтказган 57 нафар футболчини тайёрлаган. Тайёргарлик индекси - 34,1 балл.

Ўзбекистоннинг бошқа клублари академияси рейтингга киритилмади.

Шунингдек, рейтингда Украинанинг иккита клуби - «Динамо Киев» ва «Шахтёр», Россиянинг «Локомотив» клуби ҳам бор.

CIES талқини бўйича дунёнинг энг яхши 10 та футбол академияси қуйидагича:

- Бенфика (Португалия) – 105,1 балл;

- Барселона (Испания) - 98,7;

- Ривер Плейт (Аргентина) - 98,3;

- Аякс (Нидерландия) - 97,6;

- Бока Хуниорс (Аргентина) - 95,0;

- Спортинг (Португалия) - 83,4;

- Динамо (Загреб, Хорватия) - 77,9;

- Дефенсор (Уругвай) - 77,0;

- Реал (Мадрид, Испания) - 74,8;