Украина бўйича тинчлик жараёни Лавров ва Рубио музокаралари туфайли тўхтаб қолди – ОАВ

Бунга сабаб сифатида Россия кенг қамровли тинчлик музокаралари бошланмагунча зудлик билан ўт очишни тўхтатишга рози бўлмагани келтирилмоқда.

Фото: EPA

АҚШ президенти Доналд Трампнинг Украинада тинчлик ўрнатиш борасидаги саъй-ҳаракатлари Россия ТИВ раҳбари Сергей Лавров ва АҚШ давлат котиби Марко Рубио ўртасидаги телефон суҳбати чоғида «тўсиққа дуч келди». Бу ҳақда NBC News ҳар икки томоннинг юқори лавозимли шахсларига таяниб хабар берди.

Телеканал манбасининг сўзларига кўра, Россия ТИВ раҳбари Сергей Лавров америкалик ҳамкасби билан телефон орқали суҳбатда Россия кенг қамровли тинчлик музокаралари бошланмагунча зудлик билан ўт очишни тўхтатишга рози бўлмаслигини айтган. Телеканал суҳбатдошининг айтишича, суҳбат чоғида россиялик вазир «зўриққан».

20 октябрь куни Россия ва АҚШ ташқи сиёсат идоралари раҳбарлари ўртасида телефон орқали мулоқот бўлиб ўтди. Улар, жумладан, Владимир Путин ва Доналд Трампнинг иккинчи учрашувига тайёргарликни муҳокама қилишди. Ташқи сиёсат идоралари раҳбарларининг телефон орқали мулоқотидан сўнг АҚШ оммавий ахборот воситалари Россия ва АҚШ етакчилари Владимир Путин ва Доналд Трампнинг Будапештдаги саммитига тайёргарлик тўхтатилгани ҳақида хабар берди. Шу куни Россия ТИВ раҳбари Сергей Лавров музокаралар якунида томонлар алоқаларни давом эттиришга келишиб олганини маълум қилди.

Тайёрлаган: Сардор Юсупов

#Россия #АҚШ #Украина