1 ноябрдан «Ерусти ҳалқа йўли» тўлиқ ишга тушди

«Тошкент метрополитени» ДУК маълумотига кўра, 1 ноябр тонгидан «Ерусти ҳалқа йўли» йўналиши йўловчилар учун тўлиқ очилди. Ҳозирда линия бўйлаб 12 та ҳаракат таркиби 7 дақиқалик интервал билан қатнамоқда.

Фото: Kun.uz

Ижтимоий тармоқларда йўналиш ҳали ишга тушмагани ҳақидаги хабарлар юзасидан «Тошкент метрополитени» ДУК расмий баёнот берди.

Корхонага кўра, 2025 йил 1 ноябр куни тонгдан бошлаб «Ерусти ҳалқа йўли» йўналиши тўлиқ ишга туширилган ва йўловчиларга хизмат кўрсатмоқда. Маршрутда 12 та поезд жойланган бўлиб, ҳаракат оралиқлари 7 дақиқа этиб белгиланган.

Метрополитен маъмурияти ижтимоий тармоқ фойдаланувчиларини ахборот тарқатишда фақат расмий манбаларга таянишга чақирди.

Тайёрлаган: Отабек Матназаров

#метро #Тошкент метрополитени