Қўшимча функционаллар
-
Тунги кўриниш
Ўзбекистон сентябрда дунёда олтин сотган ягона давлат бўлди
Марказий банк 4 тонна олтин сотди.
Фото: Bloomberg
Ўзбекистон сентябрь ойида дунёда олтин сотган ягона давлат бўлди, деб хабар берди World Gold Council.
Халқаро валюта жамғармаси ва очиқ манбалардаги маълумотларга кўра, Марказий банклар 2025 йил сентябрь ойида расман 39 тоннага яқин олтин сотиб олди. Бу август ойига нисбатан қарийб 79 фоизга кўп ва сўнгги 12 ойдаги ўртача кўрсаткичдан юқори - 27 тонна атрофида.
2025 йил учинчи чорагида жами соф харидлар тахминан 220 тоннани ташкил этди, бу иккинчи чоракка нисбатан 28 фоизга юқори ва сўнгги беш йилдаги ўртача кўрсаткичдан 6 фоизга кўп.
Энг йирик харидор — Бразилия Марказий банки бўлиб, 15 тонна олтин сотиб олган. Учликка Қозоғистон (8 тонна) ва Гватемала (5 тонна) регуляторлари ҳам кирган. Россия, Туркия, Чехия, Хитой ва Гана ҳам нисбатан кичик ҳажмларда харид амалга оширган.
Ягона олтин сотувчиси Ўзбекистон Марказий банки бўлиб, 4 тонна олтин сотган. Йиллик кесимда республика 21 тонна билан дунёдаги энг йирик олтин сотувчиси мақомини сақлаб қолиб, Сингапур ва Россияни ортда қолдирмоқда.
Мавзуга оид
16:37 / 11.12.2025
Марказий банк асосий ставкани 14 фоиз даражасида ўзгаришсиз қолдирди
19:09 / 10.12.2025
Ўзбекистонда ягона QR код орқали тўловларни қабул қилиш мажбурий бўлади
07:35 / 08.12.2025
Инфографика: инсоният қазиб олган ва ҳали ер остида қолган барча олтин миқдори
19:17 / 07.12.2025