Қўшимча функционаллар
-
Тунги кўриниш
Ўзбекистоннинг жаҳон чемпионатидаги иштирокига бағишланган эсдалик тангалар сотувга чиқарилади
Ўзбекистоннинг жаҳон чемпионатидаги иштирокига бағишлаб 31,1 грамм оғирликдаги 100 та олтин ва 1000 та кумуш танга зарб қилинади. Эсдалик тангалар 18 июндан бошлаб 690 та тижорат банклари филиалларида сотувга чиқарилилиши режалаштирилган.
Марказий банк Ўзбекистоннинг футбол бўйича жаҳон чемпионатидаги тарихий иштирокига бағишлаб чекланган эсдалик тангаларини чиқаради. Бу ҳақда регулятор матбуот хизмати хабар берди.
Эсдалик тангаларининг аверс қисмида Ўзбекистон футбол ассоциацияси логотипи, классик футбол тўпи чизмаси ҳамда “Тарихий зафар. Ўзбекистон футболи жаҳон чемпионатида - 2026” ёзуви акс эттирилади.
Тангалар дизайнида миллий жамоа рамзи — “Оқ бўрилар” ҳам ўрин олган. Реверс қисмидаги бўри силуэти футболчиларнинг шижоати, жамоавий руҳи ва таслим бўлмас характерини ифодалайди. Ушбу рамз 26 нафар футболчи силуэтини ўзида мужассам этиб, тарихий натижа бутун жамоанинг бирдамлиги ва меҳнати билан қўлга киритилганини англатади.
31,1 грамм оғирликдаги 100 та олтин ва 1000 та кумуш тангалар чекланган миқдорда ишлаб чиқарилган. Эсдалик тангалар 18-июндан бошлаб 690 та тижорат банклари филиалларида сотувга чиқарилади. Сотув нархлари ва банклардаги мавжудлик бўйича янгиланган маълумотлар Марказий банкнинг расмий веб-сайти ҳамда ижтимоий тармоқлардаги саҳифаларида ҳар куни эълон қилиб борилиши кўзда тутилган.
Мавзуга оид
20:06
Жалолиддин Машарипов миллий жамоа таркибидан чиқарилди
16:50
“Асосий ставка таъсирчанлигини ошириш чораларини кўрамиз” – Ишметов
16:37
Тимур Ишметов: 2027 йилда 5 фоизлик инфляция мақсадига эришиш йўлида жиддий хатарлар кўрмаяпмиз
11:59