SanDisk дунёдаги энг кичик 1 TB флешкани тақдим этди

SanDisk Extreme Fit USB-C деб номланган бу модель ҳажми атиги 18,5 × 15,7 × 13,6 мм, оғирлиги эса 3 грамм. У шунчалик ихчамки, ноутбукда доим турса ҳам деярли сезилмайди.

Флешка USB 3.2 Gen 1 технологиясида ишлайди ва 400 MB/секундгача тезлик билан файлларни ўқий олади. У Windows, macOS ва iPadOS тизимларига мос.

SanDisk’нинг Memory Zone дастури ёрдамида фойдаланувчилар файлларни бошқариш, захира яратиш ва хотирани бўшатишлари мумкин.

Флешка 64 GB дан 1 TB гача бўлган сиғимларда сотилади, 1 TB версияси эса 120 доллар туради.

Рақамли дунёда адашиб қолмаслик ва шундай янгиликлардан биринчилардан бўлиб хабардор бўлиш учун KUN.UZ Texnologiya номли Telegram va techno.kun.uz Instagram саҳифасини кузатиб боринг.