Саида Мирзиёева Нукусдаги янги Karakalpak Palace Hotel меҳмонхонаси билан танишди

Президент администрацияси раҳбари Саида Мирзиёева Нукус шаҳрида халқаро стандартлар асосида қурилган янги Karakalpak Palace Hotel меҳмонхонаси фаолияти билан танишгани ҳақида ўзининг Telegram’даги пости орқали маълум қилди.

Саида Мирзиёева маълум қилишича, Нукусда халқаро стандартлар асосида барпо этилган янги Karakalpak Palace Hotel меҳмонхонаси билан танишув амалга оширилган. Унинг таъкидлашича, бундай лойиҳа ҳудуд тадбиркорларига берилган имтиёз ва енгилликлар самарасида амалга ошган.

Постда қайд этилишича, Қорақалпоғистон Ўзбекистоннинг энг жозибали сайёҳлик йўналишларидан бири ҳисобланади. Шу боис бу ерда меҳмонлар ва инвесторларни жалб қилиш учун қўшимча шароитлар яратиш, замонавий инфратузилмани ривожлантириш муҳим аҳамият касб этади.

Саида Мирзиёевага кўра, янги меҳмонхона каби лойиҳалар ҳудудга сайёҳлар оқимини ошириш, туризм салоҳиятини намоён этиш ва тадбиркорлик муҳитини янада яхшилашга хизмат қилади.