Тошкентда 100 дан ортиқ ифлослантирувчи объект фаолияти тўхтатилди

Махсус комиссия ишчи гуруҳлари томонидан ўтказилган текширувлар якунида қуйидагича натижалар қайд этилди:

🔵 Иссиқхоналар бўйича

жами 1449 та иссиқхона текширилди;
атмосфера ҳавосини ифлослантириш ҳамда қоидаларга риоя этмаслик ҳолатлари учун 67 та иссиқхона фаолияти тўхтатилди;
403 нафар шахсга маъмурий баённома расмийлаштирилди;
қонун доирасида фаолият юритишлари учун 19 та хўжаликка газ тармоқларига уланиш учун техник шартлар берилди.

🔵 Қурилиш объектлари бўйича

53 та ноқонуний қурилиш аниқланди;
талабларга жавоб бермаган 34 та объектнинг фаолияти вақтинча тўхтатилди;
қонунбузарликка йўл қўйган 188 нафар шахс жавобгарликка тортилиши белгиланди;
чангланишни камайтириш мақсадида 51 та объектга сув пуркагич ўрнатилди.

🔵 Автотранспорт воситалари бўйича

ҳавони меъёрдан ортиқ ифлослантирган 206 ҳайдовчига нисбатан маъмурий чоралар кўрилди;
юкни ёпмасдан ҳаракатланган 837 та транспорт воситасига жарима чоралари қўлланди.

Бундан ташқари, шаҳарнинг микроиқлимини яхшилаш ва ҳаводаги чанг концентрациясини камайтириш мақсадида:

77 та кўча ва 165 та жамоат жойлари намлантирилди;
121 км ариқлар тозаланди;
126 та фаввора ишга туширилди.

Мутасаддиларга кўра, бундай рейдлар ва профилактик тадбирлар атмосфера ҳавоси сифатини яхшилаш ҳамда экология талабларига риоя этилишини таъминлаш мақсадида давомли равишда ўтказиб борилади.