Хитойда дунёдаги энг узун туннел очилди

Мазкур туннел очилиши туфайли тоғ йўлидаги ҳаракатланиш вақти бир неча соатдан 20 дақиқагача қисқарган.

Фото: Hu Huhu / Xinhua / Global Look Press

Хитой шимоли-ғарбида дунёдаги энг узун автомобил туннели ҳаракатланиш учун расман очилди. Урумчи — Увэй автойўлидаги ушбу туннелнинг узунлиги 22 километрдан ортиқ.

«Тяншан Ғалаба туннели» деб номланган ушбу объект Шинжон-Уйғур мухтор туманида жойлашган.

Синхуа агентлигининг ёзишича, мазкур туннел очилиши туфайли тоғ йўлидаги ҳаракатланиш вақти бир неча соатдан 20 дақиқагача қисқарган.

Урумчи — Увэй магистрали Тян-Шан тоғларини кесиб ўтиб, минтақанинг шимоли ва жанубидаги шаҳарларни бир-бири билан боғлайди. У 12та транспорт тугуни, 17та туннел ва юзлаб кўприкларни ўз ичига олади.

Туннел очилиши натижасида шимолдан жанубдаги манзилга етиб бориш вақти 7 соат ўрнига 3 соатни ташкил этади.

Тайёрлаган: Дилшодбек Асқаров

#Хитой #туннел