«Уйда ёлғиз» филмида Кевиннинг онаси ролини ижро этган актриса вафот этди

Кэтрин О’Хара «Уйда ёлғиз» филмида Кевиннинг онаси Кейт Маккаллистер роли орқали машҳурликка эришган. У «Эмми», «Олтин глобус» ва икки марта Киноактёрлар гилдияси мукофотини олган.

Фото: Getty Imagеs

Машҳур «Уйда ёлғиз» филмида Кевин Маккалистернинг онаси ролини ижро этган актриса Кэтрин О’Хара 71 ёшида вафот этди. Бу ҳақда Variety журналига унинг менежери хабар берди.

Хабарда айтилишича, актриса 30 январ куни Лос-Анжелесдаги уйида вафот этган. Актрисанинг ўлими сабаби маълум қилинмаган.

Кэтрин О’Хара 1654 йил 4 мартда Торонто шаҳрида туғилган. Фаолиятини 1970-йилларда мултфилмларга овоз беришдан бошлаган. Актриса телеэкранларда илк бор 1979 йилда «Canada After Dark» шоуси орқали кўриниш берган.

1976 йилда The Rimshots филмида тўлиқ рол ижро этган актриса 1985 йилда «Ишдан сўнг», 1988 йилда «Битлжус» филмларида иштирок этган.

Аммо Кэтрин О’Хара «Уйда ёлғиз» филмида Кевиннинг онаси Кейт Маккаллистер роли орқали машҳурликка эришган. У «Эмми», «Олтин глобус» ва икки марта Киноактёрлар гилдияси мукофотини олган.