АҚШ Венесуэланинг «нефть карантини» тугаганини эълон қилди

АҚШ энергетика вазири Крис Райт Хитой Венесуэла нефтини сотиб олганидан кейин Венесуэланинг «нефть карантини» тугаганини маълум қилди, деб ёзди Bloomberg. Шунингдек, у «Хитой билан қонуний асосда, шу жумладан қўшма корхоналар шаклида ҳалол бизнесга» рухсат берилганини айтди.

Bloomberg мухбири Хитой Ташқи ишлар вазирлиги вакили Лин Цзян жаноб Райтнинг Хитой нефть сотиб олиши ҳақидаги баёнотига изоҳ беришни сўради. Вазирлик вакили бу ҳақда ҳеч нарса билмаслигини айтди.

АҚШ 2019 йилда Венесуэла нефтига чекловлар киритган, декабрь ойида эса президент Доналд Трамп санкция остидаги хомашё кемалари тўлиқ блокада қилинишини эълон қилганди. Январь ойида Вашингтон президент Николас Мадурони ҳибсга олди ва Каракас нефть саноати устидан назорат ўрнатди. Шунда Трамп Хюстонга 50 млн баррелгача нефть жўнатиш режалари ҳақида маълум қилганди.

10 февраль куни АҚШ Молия вазирлиги Венесуэла компанияларига лицензия бериб, Россия, Эрон, КХДР ва Кубанинг шахслари ва тузилмалари, шунингдек, уларнинг бевосита ёки билвосита назорати остидаги ташкилотлар иштирокида нефть билан боғлиқ битимларни тақиқлади.