Ҳиллари Клинтон Доналд Трампнинг сиёсатини кескин танқид қилди

Демократик партиядан АҚШ президенти сайловларида иштирок этган собиқ номзод Ҳиллари Клинтон Мюнхен хавфсизлик конференциясида АҚШ президенти Доналд Трампнинг Украинага нисбатан сиёсатини қаттиқ танқид қилди.

Фото:J acquelyn Martin/AP

“Менимча, Трамп маъмуриятининг Украинага нисбатан позицияси шармандалидир. Украинани Путин билан келишувга мажбурлашга уриниш — шармандалик. Путин ва Трампнинг Украина халқи азоб-уқубати ва ўлими ҳисобига манфаат кўришга уринишлари — тарихий хатодир, ўта даражада ахлоқсиз иш”, — деди Клинтон.

У сўзини давом эттириб, шундай таъкидлади: “Мен ишонаманки, Украина бизнинг демократиямиз, эркинлик ва цивилизация қадриятларимизни ҳимоя қилиш учун олдинги сафда курашяпти — минглаб инсонларини йўқотяпти, бир инсоннинг уни назорат қилишга қатъий даражада интилиши сабаб мамлакатини йўқотаётган ҳолда. Ва менимча, Трамп ё бу азобни тушунмайди, ёки унга барибир”.

Клинтоннинг айтишича, Трамп “ғарбга, инсон қадриятларига, НАТО низомига, Атлантика хартиясига ва Инсон ҳуқуқлари умумжаҳон декларациясига хиёнат қилган”. Унинг фикрича, Трамп ўз ҳокимияти учун намуна сифатида Путин режимига суянади. Клинтон таъкидлашича, конференцияга йиғилганлардан ҳеч ким бундай режимда яшашни истамас эди.