Шахсга доир маълумотлар Ўзбекистон ҳудудида сақланиши шартлиги белгиланди

“Шахсга доир маълумотлар тўғрисида”ги Қонунга ўзгартириш ва қўшимчалар киритилди.

Фото: Getty images

Ўзгаришларга кўра, шахсга доир қуйидаги маълумотлар Ўзбекистон ҳудудида сақланиши шарт:

- шахсларнинг биометрик маълумотлари;

- шахсларнинг генетик маълумотлари;

- Ўзбекистон ҳудудида фаолият олиб бораётган телекоммуникация операторлари мижозлари маълумотлари.

Юқорида кўрсатилмаган шахсга доир маълумотлар қуйидаги шартлардан бири бажарилганда, Ўзбекистондан ташқарида сақланиши ва ишлов берилиши мумкин:

- чет давлатни шахсга доир маълумотларнинг бир хил ҳимоя қилинишини таъминловчи давлат сифатида тан олиш;

- оператор томонидан ваколатли давлат органи тасдиқлайдиган талабларга жавоб берувчи стандарт шартномавий шартлар ёки мажбурий корпоратив қоидалар қабул қилиниши ва уларга риоя этилиши;

- рўйхати ваколатли давлат органи томонидан тасдиқланадиган шахсга доир маълумотларни бошқариш ва сақлаш соҳасидаги халқаро стандартларга оператор томонидан риоя этилиши.

Қонун расмий эълон қилинган кундан эътиборан кучга киради.