Россияда чиқинди юклаш пайтида юз берган портлаш оқибатида ўзбекистонлик эркак ҳалок бўлди

Дастлабки маълумотларга кўра, портлашга чиқинди контейнеридаги портловчи буюмлар сабаб бўлган.

Фото: ТАСС

Владикавказда чиқинди контейнерларини юклаш пайтида содир бўлган портлаш оқибатида коммунал хизмат ходими ҳалок бўлди, деб маълум қилди Шимолий Осетия раҳбари Сергей Меняйло.

Хабар қилинишича, воқеа 17 апрел куни эрта тонгда юз берган. Портлаш оқибатида коммунал хизмат кўрсатиш ташкилотида ишлайдиган ўзбекистонлик эркак ҳалок бўлган. Ҳамкасбининг сўзларига кўра, у беш фарзанднинг отаси бўлган.

Мазкур ҳолат бўйича жиноят иши қўзғатилган.

Меняйлонинг билдиришича, дастлабки маълумотларга кўра, портлашга чиқинди контейнеридаги портловчи буюмлар сабаб бўлган.